زبیر اعوان : ایبٹ آباد مری روڈ پر باڑہ گلی کے مقام پر لینڈ سلائڈنگ کی وجہ سے سڑک بلاک ہو گئی۔
لینڈ سلائڈنگ کے نتیجے میں ایک بڑا درخت مین روڈ پر گر گیا جس کی وجہ سے دونوں اطراف سے مری روڈ مکمل طور پر بند ہو گئی۔
ذرائع کے مطابق درخت اور لینڈ سلائڈنگ کا ملبہ ہٹانے کے لیے ہیوی مشینری موقع پر پہنچا دی گئی ہے اور ملبہ ہٹانے کا کام جاری ہے۔
اس وقت تک مری روڈ دونوں اطراف سے بند ہے اور ٹریفک کو متبادل راستوں کی طرف موڑ دیا گیا ہے۔