سٹی42: حارث رؤف نے دلیری کے ساتھ پیچیدہ صورتحال کا سامنا کر کے کرکٹ کے ٹائم آؤٹ رُول کو شکست دے دی، ان کی پیچیدہ صورتحال میں دلیری سوشل میڈیا پر ٹرینڈ بن گئی، ان کی ویڈیوزبھی وائرل ہو گئیں۔ 
آسٹریلیا کیخلاف  ٹیسٹ سیریز سے دستبردار ی کا اعلان کرنے کے بعد حارث رؤف بگ بیش لیگ کھیل رہے ہیں۔ ہفتہ کے روز ان کی ایک ویڈیو ٹویٹر پر ٹاپ ٹررینڈ بن گئی۔   اس ٹرینڈ کی وجہ  بیٹنگ یا باؤلنگ میں عمدہ پرفارمنس سے زیادہ دلچسپ ہے ، سوشل میڈیا پر  حارث رؤف کی ویڈیو ز وائرل ہو رہی ہیں جن میں دیکھا جا سکتا ہے کہ حارث رؤف بغیر پیڈ باندھے بیٹنگ کرنےکیلئے وکٹ پر آ گئے۔ان کی دلیری پر سٹیڈیم میں موجود شائقین نے خوب شور کیا جبکہ مخالف ٹیم کے گیند باز بھی انہیں دیکھ کر مسکراتے رہے ۔ 

 ہوا یوں کہ اس میچ میں حارث رؤف کو آخری نمبر پر بیٹنگ کرنا تھی۔ ٹیم کے چھ کھلاڑی آؤٹ تھے اور وکٹ پر موجود دونوں بیٹر  172 رنز کے مجموعے پر اچھا کھیل رہے تھے۔ اچانک اوپر تلے تین وکٹیں گریں اور حارث رؤف کی بیٹنگ کے لئے جانے کی باری آ گئی جبکہ انکے پاس پیڈ باندھنے کا وقت ہی نہیں تھا۔ پیڈ  باندھنے کی کوشش کرتے تو یقیناً وہ نئے ٹائم آؤٹ رُول کا شکار ہو جاتے۔ انہوں نے آؤ دیکھا نہ تاؤ، ہلمٹ اور گلوز اٹھائے اور میدان میں آ گئے۔ کراؤڈ کی طرف دیکھ کر ہاتھ ہلایا اور وکٹ پر پہنچ گئے۔ 
   آسٹریلیا میں جاری بگ بیش لیگ  میں پاکستانی گیند باز میلبرن سٹارز کی نمائندگی کر رہے ہیں اور گزشتہ روز  میلبرن سٹارز اور سدنی تھنڈرز کے درمیان میچ کھیلا جا رہا تھا ،بگ بیش لیگ کے 13 ویں ایڈیشن کے اس میچ میں اس واقعہ کو بگ بیش کے مداح انتہائی دلچسپ لمحہ تصور کر رہے ہیں۔ 

  حارث رؤف اس لحاظ سے خوش قسمت تھے کہ وہ جب بیٹنگ کے لیے آئے تو  یہ پہلی اننگز کی آخری گیند تھی اور انہیں نان اسٹرائیکر اینڈ پر کھڑا ہونا تھا جس کے باعث انہیں ٹانگوں پر کوئی گیند نہیں کھانا پڑی۔  میط کے کومنٹیٹر نے حارث کی اس دلیرانہ مینیجمنٹ پر غالباً جل کر ان کے طرز عمل کو رسک قرار دیا ، اسے سرکس کہااور مفروضوں پر بات کی لیکن حارث رؤف کا انداز ایسا مست تھا جیسے کہہ رہے ہوں، "Who cares".

Haris Rauf came to crease with no pads, helmet and gloves in Big Bash League ????????#HarisRauf #BBL13 pic.twitter.com/sZFTUQAHyH

— Areej Butt ( PCT fan ) (@naeemby186) December 23, 2023

ایکس پر کرکٹ کے شائقین نے بہرحال اس سارے منظر کو زندہ دلی کے ساتھ انجوائے کیا۔ 

What’s missing here..?#BBL13 #HarisRauf pic.twitter.com/PwutBGbWeQ

— Nawaz ???????? (@Rnawaz31888) December 23, 2023

ایک صارف کی جانب سے پورے واقعے کی ویڈیو شیئر کی گئی ہے ساتھ ہی کیپشن میں بتایا گیا کہ حارث رؤف ٹیم روم میں پیڈ پہن رہے تھے لیکن اوپر نیچے وکٹیں گرنے کے باعث ٹیم کا کھلاڑی بھاگ کر گیا اور  انہیں فورا آنے کو  کہا اور اس کھلاڑی کے پیچھے ہی حارث رؤف بھاگے چلے آئے ۔

 واضح رہے کہ  حارث رؤف کے ایسا کرنے کے پیچھے آئی سی سی کا قانون ہے جس کے تحت اکتوبر نومبر میں بھارت میں ہونے والے ورلڈکپ کے دوران سری لنکا اور بنگلا دیش کے میچ میں سری لنکا کے اینجلو میتھیوز کو  کرکٹ کی تاریخ میں پہلی بار ٹائمڈ آؤٹ قرار دیا تھا کیونکہ وہ مقررہ وقت پر وکٹ نہیں پہنچ سکے تھے۔

Haris went to pad after the fall of 8th wicket and 9th fell down too while he was pading then his teammates said come soon...so he ran to the crease without pads and gloves in hands.... Coz Time out is real bro???? #BigBash #HarisRauf pic.twitter.com/KGAVzxqEyc

— ????????????????????????ش آ م???? SHAAM (@ehtsham77713538) December 23, 2023