ویب ڈیسک :شہزادی ڈیانا کے چھوٹے بیٹے شہزادہ ہیری نے اپنی فیملی کی تصویر پر مشتمل کرسمس کے لفظ کے بغیر ہالی ڈے کارڈ جاری کردیا، بیٹی للی بٹ بھی گروپ فوٹو میں شامل ہے۔

ہالی ڈے کارڈ  میں سب سے اہم تصویر چھ ماہ کی للی بٹ کی ہے اس سے پہلے ان کی کوئی تصویر جاری نہیں کی گئی ۔ تصویر میں شہزادہ ہیری کا دو سالہ بیٹا آرچی بھی ان کے ساتھ بیٹھا ہے جسکے بالوں کا سرخ رنگ  ہوبہو باپ جیسا ہے ۔ للی بٹ اپنی ماں اور شہزادہ ہیری کے اہلیہ میگھن مرکل کی باہوں  میں ہے جبکہ شہزادہ ہیری ماں بیٹی کی طرف دیکھ کر مسکرا رہے ہیں۔

تصویر فوٹو گرافر الیکسی لوبومرسکی نے اتاری ہے جو اس سے پہلے ہیری اور میگھن کی منگنی اور شادی کی تصاویر اتار چکے ہیں۔ 

کرسمس کا لفظ استعمال کئے بغیر ہالی ڈے کارڈ پر درج پیغام میں کہا گیا ہے کہ'' اس سال ہم اپنی بیٹی للی بٹ کا  اس دنیا میں خیر مقدم کرتے ہیں  آرچی نے ہمیں ماما او ر پاپا بنایا جبکہ للی نے ہمیں فیملی بنا دیا۔ ہم 2022  کا خیر مقدم کرتے ہیں ہم نےروبی کارن سمیت بہت ساری تنظیموں کو عطیات دئیے جو افغانستان سے امریکا تک ایسے  خاندانوں کو تحفظ اور عزت دے رہی ہیں  جو اپنوں سے بچھڑ گئے اور جنہیں بامعاوضہ والدین رخصت کی ضرورت ہے''۔ 

We're grateful to Archewell Foundation and Prince Harry and Meghan, The Duke and Duchess of Sussex for their support of our efforts to welcome Afghan families to the US. This generous donation will help the transition of families into new communities. https://t.co/vBKyU92YoF pic.twitter.com/H0DqCvJuZd

— Team Rubicon (@TeamRubicon) December 23, 2021