(سٹی 42) ارجنٹائن کے اسٹار فٹبالر اور ہسپانوی کلب بارسلونا کی نمائندگی کرنے والے لائنل میسی نے ایک اور اعزاز حاصل کرلیا۔
تفصیلات کے مطابق 33سالہ میسی نے یہ کارنامہ 16 سال میں انجام دیا ،وہ 2003 سے بارسلونا کلب کا حصہ ہیں۔ اسپینش لیگ کے میچ میں میسی نے ریال ویلا ڈولڈ کے خلاف بارسلونا کی جانب سے 644 واں گول کرکےکسی کلب کے لیے سب سے زیادہ گول کرنے کا ریکارڈ توڑ دیا۔
یاد رہے کہ اس سے قبل یہ ریکارڈ برازیل کے عظیم فٹبالر پیلے کے پاس تھا جنہوں نے 1956 سے 1974 تک 19 سیزن میں اپنے کلب سینٹوس کے لیے 643 گول کئے تھے۔ اسپینش لیگ کے اس میچ میں بارسلونا نے ریال ویلا ڈولڈ کو تین، صفر سے شکست دی۔