سٹی42: بالی وڈ کی صف اول کی اداکارہ کو اپنا انسٹاگرام اچانک ڈیلیٹ کرنا پڑ گیا۔
سلمان خان کی ہیروئن عائشہ ٹاکیہ نے بظاہر سوشل میڈیا ٹرولز کی ٹرولنگ سے تنگ آکر اپنا انسٹاگرام اکاؤنٹ ڈیلیٹ کر دیا تاہم ان کے فین اب سب سے پوچھ رہے ہیں کہ عائشہ ٹاکیہ کا انسٹاگرام کہاں گیا، عائشہ نے انسٹاگرام بند کیوں کیا اور انہیں ان سوالات کے جواب دینے والا کوئی نہیں کیونکہ عائشہ ٹاکیہ اپنا انسٹاگرام بند کرنے کے بعد سے مسلسل خاموش ہیں، ۔
سپر اسٹار سلمان خان کی فلم 'وانٹڈ' سے شہرت حاصل کرنے والی اداکارہ عائشہ ٹاکیہ کچھ عرصے سے فلمی دنیا سے دور ہیں تاہم سوشل میڈیا پر وہ ہمیشہ مداحوں کے درمیان رہتی ہیں اور تعریفیں سمیٹتی رہتی ہیں۔
حال ہی میں عائشہ ٹاکیہ نے انسٹاگرام پر اپنی ایک تصویر پوسٹ کی جسے دیکھ کر مداح حیران رہ گئے کیونکہ اپنی اس تصویر میں وہ بالکل نہیں پہچانی جارہی تھیں۔
مداحوں نے اداکارہ عائشہ ٹاکیہ کے اس انداز کو بالکل پسند نہیں کیا گیا اور اکثر نے ان پر تنقید کی۔
ایک صارف نے حیران ہو کر سوال کیا کہ کیا یہ عائشہ ٹاکیہ ہی ہیں۔ ایک نے لکھا کہ تم تو ایک وقت بالی وڈ کی کوئن تھیں۔ ایک نے لکھا کہ کیا آپ وہی ٹارزن دا ونڈر کار والی کیوٹ عائشہ ٹاکیہ ہو؟ اتنا چینج کیوں کیا؟
ایک صارف نے لکھا کہ ایک خوبصورت چہرے کو پلاسٹک سرجری نے برباد کردیا۔
اس ایک تصویر پر عائشہ ٹاکیہ کو اتنی تنقید کا سامنا کرنا پڑا کہ وہ دل برداشتہ ہو گئیں۔ انہوں نے یہ تصویر تو ڈیلیٹ نہیں کی البتہ اپنا انسٹا گرام ہی ڈیلیٹ کر دیا۔ کیونکہ یہ تصویر ڈیلیٹ کرنے سے کچھ فرق پڑنے والا نہیں تھا۔ یہ تصویر عائشہ ٹاکیہ کی کاسمیٹک سرجری کے بعد ان کا خود چنا ہوا چہرہ ہے جسے ان کے پرانے فینز نے بظاہر تو ناپسند کر ڈالا ہے۔ اس تصویر کو ناپسند کئے جانے کو عائشہ ٹاکیہ نے شاید اس لئے بھی زیادہ حساسیت سے لیا کہ اب وہ مسز عائشہ فرحان ہو چکی ہیں۔ شاید صارفین کی جانب سے مسلسل ٹرولنگ کے اثر سے فیملی کو بچانے کے لئےعائشہ ٹاکیہ کو بڑا فیصلہ کرنا پڑا۔
خبریں سامنے آئی تھیں کہ عائشہ ٹاکیہ نے ہونٹوں کی سرجری کروائی ہے، ان کے چہرے پر بھی واضح فرق محسوس کیا گیا تھا تاہم اداکارہ نے کسی بھی قسم کی سرجری کروانے سے انکار کیا تھا۔ اب ان کی تصویر نے پرانی گوسِپ کو سچ دکھا دیا۔
انسٹاگرام تو بند ہوا لیکن عائشہ ٹاکیہ کی کاسمیٹک سرجری سے پہلے اور بعد کی تصاویر کا تقابل اب تھنڈر سٹارم کی شکل اختیار کر چکا ہے جو کسی طرح تھمنے میں نہیں آ رہا۔