سٹی42: معروف ٹک ٹاکر خاتون کار میں مردہ پائی گئی۔

خیرپور میں گزشتہ 2 روز سے سرکاری اسپتال کے باہر کھڑی گاڑی سے 2 افراد کی لاشیں برآمد ہوئی ہیں۔ 

ایس ایس پی ڈاکٹر سمیع اللہ سومرو کے مطابق کوثر اسپتال کے قریب گاڑی سے  دو افراد کی لاشیں ملیں جن میں سے ایک خاتون اور ایک مرد ہے۔  گاڑی گزشتہ دو روز سے ہسپتال کے باہر کھڑی تھی۔

انہوں نے بتایاکہ لاشوں کی شناخت 24 سالہ سیما خاصخیلی اور 35 سالہ ظفر عباس کے نام سے ہوئی، سیما خاصخیلی معروف  ٹک ٹاکر ہے۔

ان کا کہنا تھاکہ لاشیں پوسٹ مارٹم کیلئے اسپتال منتقل کردی گئیں، تحقیقات کی جارہی ہیں۔