حکومت پنجاب نے خطر ناک ڈاکوؤں کے سر کی قیمت میں اضافہ کردیا

قیصر کھوکھر : حکومت پنجاب نے خطر ناک ڈاکووں کے سر کی قیمت میں اضافہ کردیا،محکمہ داخلہ نے کچے کے 20 خطرناک ڈاکوؤں کے نام، تصاویر اور سر کی قیمت جاری کر دی ۔
 حکومت پنجاب نےکچے کے خطرناک ڈاکووں کے سرکوبی کیلئے بڑا اعلان کیا ہے، کچے کے خطرناک ڈاکوؤں کے سر کی قیمت 10 لاکھ سے بڑھا کر 1 کروڑ روپے مقرر کردی گئی ہے۔ محکمہ داخلہ پنجاب نے کچے کے 20 خطرناک ڈاکوؤں کے نام، تصاویر اور سر کی قیمت جاری کر دی ہے۔ مطلوب ڈاکوؤں میں شاہد ولد کمال، مجیب ولد امان اللہ، وہاب ولد امان اللہ، غنی ولد علی بخش شامل ہیں۔ احمر عرف شوبی ولد رسول، احمد ولد رسول، عطاء اللہ ولد اللہ دتہ، سبز علی ولد اللہ دتہ، قبول ولد میوہ مطلوب ڈاکو ہیں۔ مطلوب ڈاکوؤں میں میرا ولد حضوری، دریجن عرف دادو، گورا ولد حسین، ثناء اللہ ولد جھانگل، تنویر عرف دودھر اور راہب شر شامل ہیں۔عمر شر ولد ساون، ظہور ولد اکبر، مورزادہ ولد عبداللہ، گل حسن ولد عالم اور صداری ولد مراد مطلوب ڈاکوؤں میں شامل ہیں۔ ڈاکوؤں کے بارے خفیہ اطلاع دینے کیلئے محکمہ داخلہ نے واٹس ایپ نمبر 03334002653 جاری کردیا ہے ۔