علی ساہی : لاہور کے علاقے اچھرہ کی شاہراہوں پر شہریوں سے قیمتی اشیاء لوٹنے والے ڈاکو کو سیف سٹی کے ورچوئل پٹرولنگ آفیسر نے لائیو ٹریک کرتے ہوئے حوالات میں پہنچا دیا ہے۔
تفصیلات کے مطابق سیف سٹی آفیسر نے کیمروں کی لائیو سرویلنس کے دوران ایک مشکوک سرگرمی مانیٹر کی جس میں موٹر سائیکل سوار دو نوجوان گھومتے پھرتے گھات لگا رہے تھے۔ ٹارگٹ نظر آنے پردونوں موٹر سائیکل سواروں نے چند لمحوں میں شہری سے قیمتی موبائل چھین لیا، جس کے بعد سیف سٹی ورچوئل پٹرولنگ آفیسر نے تمام شواہد متعلقہ پولیس کو فراہم کئے جس کی مدد سے پولیس نے دونوں ملزمان کو گرفتار کر لیا۔
ترجمان سیف سٹیز کا کہنا ہے کہ ملزمان سنیچنگ کی متعدد وارداتوں میں ریکارڈ یافتہ نکلے ہیں۔