(عمران یونس) پنجاب یونیورسٹی کا بزنس مینجمنٹ پی ایچ ڈی پروگرام شروع کرنے کا فیصلہ، ہائر ایجوکیشن کمیشن پاکستان نے پروگرام شروع کرنے کی منظوری دے دی۔
پنجاب یونیورسٹی ہیلے کالج آف بینکنگ اینڈ فنانس کے زیر اہتمام بزنس مینجمنٹ پی ایچ ڈی پروگرام شروع کیا جائے گا، پروگرام شروع کرنے کیلئے ہائیر ایجوکیشن کمیشن آف پاکستان نے باضابطہ منظوری دے دی۔
ہیلے کالج آف بینکنگ اینڈ فنانس کے پرنسپل پروفیسر ڈاکٹر مبشر منور خان کا کہنا ہے پی ایچ ڈی پروگرام سے نئے علوم کی تخلیق میں مدد ملے گی۔اہم موضوعات پرتحقیق کا فروغ وقت کی ضرورت ہے،ان کا کہنا تھا بہت جلد پی ایچ ڈی بزنس مینجمنٹ پروگرام میں داخلوں کا اعلان کیا جائے گا۔