سٹی42: قذافی سٹیڈیم کی بیٹرز سپورٹنگ وکت پر آج لاہور قلندرز اور پشاور زلمی کے میچ میں لاہور قلندرز کے بیٹرز کو وکٹ پر ٹکنے میں سخت دشواری ہوئی۔ صرف سکندر رضا ففٹی تک پہنچ سکے۔
کیپٹن شاہین اور اوپنر فخر زماں 16 اور 10 رنز بنا سکے۔ راشد حسین 13 حارث رؤف 10 رنز بنا سکے، باقی تمام بیٹر ڈبل فگر کو ٹچ نہیں کر سکے۔
سٹی42: انسداد دہشت گردی عدالت راولپنڈی میں افواج پاکستان کے 4 ریٹائرڈ ساہلکاروں نے بانی سے "اہم قومی امور پر مشاورت" کی غرض سے فوری ملاقات کروانے کی درخواست کردی۔
اے ٹی سی جج امجد علی شاہ کی عدالت میں یہ منفرد درخواست دائر کی گئی ہے کہ اہم اور قومی ایشوز پر بانی سے مشاورت کرنی ہے۔جلداز جلد ملاقات کا انتظام کروایا جائے،
ملاقات کی درخواست کرنے والے میجر جنرل ریٹائرڈ مسعود برقی، لیفٹیننٹ جنرل ریٹائرڈ زاہد اکبر، لیفٹیننٹ جنرل ریٹائرڈ سکندر افضل اور لیفٹیننٹ جنرل ریٹائرڈ فاروق خان شامل ہیں۔
درخواست میں مؤقف اختیار کیا گیا ہے کہ بانی پی ٹی آئی سے ہماری طویل ایسوسی ایشن رہی ہے، بانی پی ٹی آئی سے چند اہم امور پر ملاقات کرنی ضروری ہے۔
عدالتی عملے نے ملاقات سے متعلق درخواست وصول کرلی ہے۔
دل چسپ امر یہ ہے کہ ان چاروں ریٹائرڈ اہلکاروں کو قومی امور کے ضمن میں کوئی اہمیت حاصل نہیں ہے۔ انہیں سرکاری اور غیر سرکاری سطح پر کوئی ذمہ داری نہیں سونپی گئی۔
April 04, 2025
April 04, 2025
سٹی42: پی ایس ایل 10 کے 14 ویں میچ میں قذافی سٹیڈیم کی وکٹ ہر اوور میں ایک بیٹر کی قربانی مانگ رہی ہے۔ لاہور قلندرز کی طرح پشاور زلمی کے بھی دو بیٹر دو اووروں میں قربان ہو گئے۔
حارث رؤف کو کوہلر کیڈمور کی وکٹ ملی اور شاہین آفریدی کو صائم ایوب کی وکٹ ملی۔
تین اوورز کے اختتام پر پشاور زلمی کا سکور 11 ہوا ہے۔ بابر اعظم حارث کے ساتھ وکٹ پر ہیں۔
سٹی42: قذافی سٹیڈیم میں پشاور زلمی کے ظلم کا شکار لاہور قلندرز کے سٹار بیتر سکندر رضا 20 ویں اوور میں لانگ آن پر کیچ ہو گئے۔ انہوں نے 37 گیندوں سے 52 رنز بنائے۔ سکندر رضا کے آؤٹ ہونے کے بعد آخری بیٹر عاذب بھی کوئی رن بنائے بغیر آؤٹ ہو گئے۔
سکندر رضا آج آؤٹ ہونے والے 9 ویں قلندر ہیں۔ ان کی وکٹ حسین طلعت کے حصے میں آئی جنہیں آج سکندر رضا سے کئی باؤنڈریز کھانا پریں۔
لاہور قلندرز کی اننگز 129 رنز پر تمام ہوئی۔ وہ 20 اوور پورے نہیں کھیل سکے۔
بابر الیون کو آج میچ جیتنے کے لئے 130 رنز بنانا ہیں۔
پشاور زلمی کی باؤلنگ
پشاور زلمی کے الزاری جوزف نے تین اور لوق ووڈ نے دو وکٹیں حاصل کیں۔ حسین طلعت کو بھی دو وکٹیں مل گئیں، عارف یعقوب اور علی رضا کو ایک ایک وکٹ ملی۔
April 04, 2025
April 04, 2025
سٹی42: پشاور زلمی کے باؤلروں کی بے رحم گیندوں کے سامنے ڈٹ جانے والے سکندر رضا 17 ویں اوور میں مائیکل اوون کو دو چوکے اور ایک چھکا مار کر اپنی ففٹی مکمل کرنے میں کامیاب ہو گئے۔ ان کے ساتھ آصف آفریدی وکٹ پر ہیں۔
لاہور قلندرز کی 8 ویں وکٹ 16 ویں اوور میں گری تھی جب حارث رؤف عارف یعقوب کی بال پر بولڈ ہو گئے تھے۔ حارث رؤف نے 14 رنز بنائے۔
18 اوورز کے اختتام پر لاہور قلندرز نے 122 رنز بنائے تھے۔ 19 ویں اوور میں اس مجموعے میں مزید ۔۔۔ رنز کا اضافہ ہوا۔
سٹی42: پی ایس ایل سیزن ٹین کے 14 ویں میچ میں پشاور زلمی کے سٹار باؤلر الزاری جوزف نے لاہور قلندرز کی 7 ویں وکٹ گرا دی۔
دسویں اوور میں سکندر رضا اور راشد حسین نے حسین طلعت کو تین چوکے مارے، گیارھویں اوور میں پہلی بال پر سکندر رضا نے جوزف کو بھی چوکا جڑ دیا، ایک ڈوٹ بال کھیل کر سکندر رضا نے سنگل لی تو راشد حسین جوزف کے سامنے آ گئے، انہوں نے بھی باؤنڈری کھیلنے کی کوشش کی لیکن کیچ آؤٹ ہو گئے۔
11 اوورز کے اختتام پر لاہور قلندرز کا سکور 67 ہو پایا۔
بارھویں اوور مین سکندر رضا نے عارف یعقوب کو ایک چھکا مارا اور ایک بال پر ڈبل رنز بنائے اور مجموعہ 76 تک پہنچایا۔
تیرھویں اوور کے اختتام پر لاہور قلندرز سات وکٹیں گنوا کر 86 رنز بنا چکے ہیں۔ اس اوور میں علی رضا نے10 رنز دیئے۔ انہوں نے2 ڈوٹ بالز کیں، ایک لیگ بائی رن دیا اور ایک وائیڈ بال کی,آخری بال پر انہیں حارث رؤف سے چھکا پڑ گیا۔
14 ویں اوور میں عارف یعقوب نے چار بالز پر سنگل رنز بنوائے لیکن آخری گیند پر انہیں بھی سکندر رضا سے چوکا پڑ گیا۔ 14 اوورز مین قلندرز نے 94 رنز بنا لئے۔
آج قلندرز کے لئے ٹیم کی سینچری کرنا ہی دوبھر ہو رہا ہے۔
April 04, 2025
April 04, 2025
سٹی42: قذافی سٹیڈیم میں پی ایس ایل ٹین کے 14 ویں میچ میں آج پشاور زلمی اور لاہور قلندرز یوں آمنے سامنے ہیں کہ ہر اوور میں قلندرز کا وکٹ پر موجود چہرہ بدل جاتا ہے۔
میچ کے چار اوورز میں چار وکٹیں گنوانے کے بعد پانچواں اوور خیریت سے گزرنے پر کیپٹن شاہین نے یقیناً شکر کیا ہو گا لیکن چھٹے اوور مین سیم بلنگز کی پانچویں وکٹ گر گئی۔
اس اوور میں شاہین نے علی رضا کو چھکا مارا تھا ، جب بلنگز نے بھی چھکا مارنے کے چکر مین اونچا سٹروک کھیلا تو بابر اعظم نے ان کو کیچ کر لیا۔ سیم بلنگز نے آج 9 گیندوں سے 9 رنز بنائے۔
اب 7 اوورز کے اختتام پر لاہور قلندرز 44 رنز پر تھے۔ شاہین آفریدی کے ساتھ وکٹ پر تھے۔ آٹھوین اوور میں شاہین آفریدی بھی پویلین کو پیارے ہو گئے۔ انہوں نے ٹیم کو بچانے کے لئے خود چھکے مارنے کا فیصلہ کیا تھا۔ لیکن وہ صرف 2 ہی چھکے مار سکے۔ انہوں نے ٹوٹل 16 رنز بنائے۔
سٹی42: قذافی سٹیڈیم میں پی ایس ایل فور کے 14 ویں میچ میں لاہور قلندرز کی چوتھی وکٹ چوتھے اوور میں گر گئی۔
4 اوورز کے خاتمہ پر 21 رنز کے مجموعی سکور کے ساتھ سیم بلنگز اور شاہین آفریدی ٹیم کو مکمل کولیپس سے بچانے کی جدوجہد کر رہے ہیں۔
عبداللہ شفیق کی وکٹ الزاری جوزف نے حاصل کی۔ اب پشاور زلمی کے دونوں اٹیک باؤلرز کے اکاؤنٹ میں دو دو وکٹین لکھی جا چکی ہیں۔
April 04, 2025
April 04, 2025
سٹی42: پاکستان سپر لیگ کے 14 ویں میچ میں لاہور قلندرز نے دو اوورز میں 3 چوکے مارے، 15 رنز بنائے دوسری اوور کی آخری گیند پر ایک وکٹ گنوا دی۔ تیسرے اوور میں قلندرز کی ایک اور وکٹ کسی رن کے اضافہ کے بغیر گر گئی۔ قلندرز کی تیسری وکٹ بھی تیسرے ہی اوور مین اس وقت گری جب چھکا لگانے کی کوشش میں لانگ آن پر عین باؤنڈری پر کیچ آؤٹ ہو گئے۔
فخر زمان کلین بولڈ ہوئے تھے جب کہ لوک ووڈ کی گیند پر آصف علی ایل بی ڈبلیو ہوئے جس کا فیصلہ ری ویو سے ہوا۔
فخر زمان 8 گیندوں سے 10 رنز اور آصف علی 4 رنز بنا کر آؤٹ ہوئے۔
تین اوورز میں لاہور قلندرز کا مجموعہ 17 رنز ہے۔ عبداللہ شفیق کوئی رن بنائے بغیر وکٹ پر ہیں اور ڈیرل مشیل2 رنز بنا کر کیچ آؤٹ ہو گئے۔
وسیم عظمت: لاہور کے نئے قذافی سٹیڈیم میں آج پاکستان سپر لیگ سیزن 10 کا غالباً سب سے زیادہ دیکھا جانے والا میچ ہو رہا ہے۔ یہ سیزن 10 کا 14 واں میچ ہے جو پشاور زلمی اور لاہور قلندرز کے درمیان ہو رہا ہے۔ دونوں ٹیموں کے فین لاہور شہر میں لاکھوں کی تعداد میں ہیں، دونوں ہی اطراف کے فین آج قذافی سٹیڈیم پہنچ رہے ہیں۔
پشاور اور لاہور کی ٹیموں کے لہوری اور پشوری کیپٹن
پشاور زلمی کہنے کو تو پشاور کی ٹیم ہے لیکن ٹیم کا کیپٹن بابر اعظم لہوری ہے۔ لاہور قلندرز لہوریوں کی ٹیم ہے لیکن کیپٹن ٹھیٹح پشوری شاہین آفریدی ہے۔ آفریدی کے فین اس کی خاطر لاہور قلندرز کو سپورٹ کر رہے ہیں اور بابر اعظم کے مداح بابر کی خاطر پشاور زلمی کو سپورٹ کر رہے ہیں۔ دونوں ٹیموں کے وفادار فین اپنی جگہ ہیں۔
دو روایتی حریف!
پاکستان سپر لیگ کی کئی ٹیمیں گزشتہ نو سیزنز کے دوران ایک دوسرے کی حریف بن کر ابھریں لیکن سب سے نمایاں حریف ٹیمیں جنہیں "روایتی حریف" کہا جا سکتا ہے وہ پشاور زلمی اور لاہور قلندرز ہی ہیں۔ آج کا میچ ایک بار پھر یہ دکھائے گا کہ سٹیڈیم میں سبھی انکلوژرز مین ای کدوسرے کے ساتھ ساتھ بیٹھے فین کیسے میچ شروع ہوتے ہی روایتی حریف کیمپوں میں بٹ جاتے ہیں۔
قذافی سٹیڈیم کی نئی وکٹ
لاہور قلندرز اور پشاور زلمی کے بیشتر میچ کانٹے کے ہی ہوتے رہے ہیں لیکن آج کے میچ کی بات ہی کچھ اور ہے، قذافی کی اس نئی وکٹ پر پی ایس ایل کا یہ پہلا جوڑ ہے۔ فینز کو یقیناً یاد ہو گا کہ چیمپئینز ٹرافی کے میچوں میں اس وکٹ نے انگلینڈ، آسٹریلیا اور نیوزی لینڈ کی ٹیموں کو چیمپئینز ٹرافی کے تین ریکارڈ مجموعے بنوائے تھے۔ تینوں بے مثال ٹیموں کے پاس بہترین بیٹ تھے اور باؤلر بھی کم نہیں تھے لیکن وکٹ نے بیٹرز کو سپورٹ کیا اور ایک ایک اننگ میں دو دو سینچریاں تک بنوائیں۔ آج بابر اعظم اور شاہین آفریدی میں سے وکٹ کی سپورٹ کس کو ملتی ہے، اس کا اندازہ ابھی سے کیا جا سکتا ہے، بہت ممکن ہے کہ آج بابر بڑا سکور نہ کرنے کے کرائسس سے باہر نکل کر سینچری تک جانے میں کامیاب ہو جائیں اور یہی توقع شاہین آفریدی الیون کے بیٹرز کے لئے بھی کی جا سکتی ہے۔ کیونکہ ایسی انٹرٹیننگ وکٹ سے یہ توقع نہ کرنا کنجوسی ہو گا۔
پوائنٹس ٹیبل پر
فینز کے لئے ان کی اپنی ہی ٹیم بہترین ہے لیکن پی ایس ایل ٹین کا پوائنٹس ٹیبل 13 میچوں کے بعد پشاور زلمی اور لاہور قلندرز میں سے قلندرز کو انتہائی معمولی فرق کے ساتھ آگے دکھا رہا ہے۔ دونوں ٹیموں نے چار چار میچ کھیلے، لاہور قلندرز نے دو میچ جیت کر چار پوائنٹس بنائے اور پشاور زلمی اب تک ایک ہی میچ جیت پائی، پوائنٹس ٹیبل پر قلندرز تیسرے اور زلمی چوتھے نمبر پر ہیں۔ آج کا میچ دونوں کے لئے اس لئے بھی امپورٹنٹ ہے کہ یہ پشاور کے کھیل میں موجود رہنے اور قلندرز کے ٹاپ تھری میں موجود رہنے نہ رہنے کا فیصلہ کرے گا۔ پشاور کے لئے یہ قدرے کروشل میچ ہے کیونکہ بابر اگر لاہور میں قذافی کی بیٹنگ وکٹ پر بھی نہ کھیل پایا تو اس کے فین زیادہ مایوس ہوں گے۔
لاہور قلندرز نے اس سیزن میں چار میچز کھیلے ہیں جن میں کوئٹہ گلیڈی ایٹرز اور کراچی کنگز کے خلاف کامیابی حاصل کی اور اسلام آباد یونائیٹڈ اور ملتان سلطانز کے خلاف شکست کھائی۔ لاہور قلندرز کا نیٹ رن ریٹ اس وقت +1.095 ہے اور 4 پوائنٹس کے ساتھ PSL 10 پوائنٹس ٹیبل پر تیسرے نمبر پر ہے۔
کیا لاہور کی کارکردگی ان کی جیت کی دوڑ جاری رکھے گی؟ یا پشاور کا نیا بنایا ہوا دستہ قلندرز کے اڈے کو فتح کر لے گا؟ اگر آپ اسٹیڈیم میں نہیں ہیں یا ٹی وی پر براہ راست ایکشن نہیں دیکھ سکتے ہیں، تو سٹی42 کی ویب سائٹ پر لائیو اپ ڈیٹس سے جڑے رہیں۔
ہیڈ ٹو ہیڈ پی ایس ایل ماضی کے ریکارڈز: لاہور قلندرز بمقابلہ پشاور زلمی
پی ایس ایل کے پچھلے سیزن میں پشاور زلمی کے خلاف لاہور قلندرز کی کارکردگی دیکھیں۔ گزشتہ پی ایس ایل سیزن میں لاہور قلندرز نے پشاور زلمی کے خلاف 19 میچز کھیلے اور آٹھ میں کامیابی حاصل کی۔ لہذا، پشاور زلمی PSL 2025 کا 14 واں میچ جیتنے کے لیے فیورٹ ہے۔
اب آئیے انفرادی طور پر ہر ٹیم کی ماضی کی کارکردگی کا جائزہ لیتے ہیں۔
لاہور قلندرز کا پی ایس ایل ریکارڈ
لاہور قلندرز نے پی ایس ایل سیزن 01 سے آخری سیزن تک 94 پی ایس ایل میچز کھیلے اور ان 94 میں سے 40 میچز 42.55 فیصد جیت کے ساتھ جیتے ہیں۔ پی ایس ایل کے پہلے سیزن میں ان کی خراب کارکردگی کے باوجود، انہوں نے حال ہی میں اچھی کارکردگی کا مظاہرہ کیا ہے اور دو بار پی ایس ایل چیمپئن شپ جیتی ہے۔ ہمیں امید ہے کہ لاہور قلندرز اچھی کرکٹ کھیلنا جاری رکھے گی اور اس سیزن میں دوبارہ ٹاپ ٹیم بن جائے گی۔
پشاور زلمی کا پی ایس ایل ریکارڈ
پشاور زلمی نے 2016 سے پچھلے سیزن تک 104 پی ایس ایل میچز کھیلے اور ان میں سے 55 میچ جیتے، 53.08 فیصد جیت کا تناسب۔ انہوں نے پی ایس ایل سیزن 02 میں ایک بار ٹائٹل جیتا تھا اور پلے آف کے لیے کوالیفائی کرنے کے لیے سخت جدوجہد کر رہے ہیں۔
آئیے جائزہ لیتے ہیں کہ ایچ بی ایل پی ایس ایل سیزن 10 میں لاہور قلندرز اور پشاور زلمی کی کارکردگی کیسی ہے۔
پی ایس ایل 10 میں لاہور قلندرز
پی ایس ایل 10 کے ٹورنامنٹ کے افتتاحی میچ میں لاہور قلندرز کا مقابلہ اسلام آباد یونائیٹڈ سے ہوا۔ یونائیٹڈ نے ٹاس جیت کر پہلے باؤلنگ کا فیصلہ کیا۔ قلندرز آخری اوور میں 139 رنز بنا کر آل آؤٹ ہوگئی۔ یونائیٹڈ نے 18ویں اوور میں ہدف کا تعاقب کرتے ہوئے 14 گیندیں باقی رہ کر آٹھ وکٹوں سے میچ جیت لیا۔
قلندرز نے پی ایس ایل 10 میں اپنا دوسرا میچ کوئٹہ گلیڈی ایٹرز کے خلاف کھیلا۔ گلیڈی ایٹرز نے ٹاس جیت کر پہلے باؤلنگ کا فیصلہ کیا۔ لاہور قلندرز نے مقررہ 20 اوورز میں چھ وکٹوں کے نقصان پر 219 رنز بنائے۔ کوئٹہ گلیڈی ایٹرز 17ویں اوور میں آل آؤٹ ہوگئی اور قلندرز نے 79 رنز سے میچ جیت لیا۔
پی ایس ایل 10 میں اپنے تیسرے میچ میں لاہور قلندرز کا مقابلہ کراچی کنگز سے ہوا، قلندرز نے ٹاس جیت کر پہلے بیٹنگ کا فیصلہ کیا۔ انہوں نے 20 اوورز میں چھ وکٹوں کے نقصان پر 201 رنز بنائے۔ کنگز آخری اوور میں 136 رنز بنا کر آل آؤٹ ہوگئی اور قلندرز نے میچ 65 رنز سے جیت لیا۔
پی ایس ایل 10 کے چوتھے میچ میں لاہور قلندرز کا مقابلہ ملتان سلطانز سے ہوا، ملتان نے ٹاس جیت کر پہلے بیٹنگ کا فیصلہ کیا۔ انہوں نے 20 اوورز میں پانچ وکٹوں کے نقصان پر 228 رنز بنائے۔ دوسرے ہاف میں سلطانز نے 20 اوورز میں 9 وکٹوں کے نقصان پر قلندرز کو 195 رنز تک محدود کر دیا۔ ملتان سلطانز نے یہ میچ 33 رنز سے جیت لیا۔
پی ایس ایل 10 میں پشاور زلمی
پی ایس ایل 10 کے اپنے پہلے میچ میں پشاور زلمی کا مقابلہ کوئٹہ گلیڈی ایٹرز سے ہوا۔ زلمی نے ٹاس جیت کر پہلے باؤلنگ کا فیصلہ کیا۔ گلیڈی ایٹرز نے 20 اوورز میں تین وکٹوں کے نقصان پر 216 رنز بنائے۔ پشاور زلمی 16ویں اوور میں صرف 136 رنز بنا کر آل آؤٹ ہوگئی۔ گلیڈی ایٹرز نے میچ 80 رنز سے جیت لیا۔
سیزن کے اپنے دوسرے میچ میں زلمی کا مقابلہ اسلام آباد یونائیٹڈ سے ہوا۔ انہوں نے ٹاس جیت کر پہلے بیٹنگ کا فیصلہ کیا۔ یونائیٹڈ نے 20 اوورز میں پانچ وکٹوں کے نقصان پر 243 رنز بنائے۔ پشاور زلمی 19ویں اوور میں صرف 141 رنز بنا کر آل آؤٹ ہوگئی اور یونائیٹڈ نے میچ 102 رنز سے جیت لیا۔
پشاور زلمی نے رواں سیزن میں اپنا تیسرا میچ ملتان سلطانز کے خلاف کھیلا۔ انہوں نے ٹاس جیت کر پہلے بیٹنگ کا فیصلہ کیا۔ زلمی نے 20 اوورز میں سات وکٹوں کے نقصان پر 227 رنز بنائے۔ سلطانز 16ویں اوور میں صرف 107 رنز بنا کر آل آؤٹ ہو گئے۔ زلمی نے میچ 120 رنز سے جیت لیا۔
سیزن کے چوتھے میچ میں زلمی کا مقابلہ کراچی کنگز سے ہوا۔ کنگز نے ٹاس جیت کر پہلے گیند بازی کا فیصلہ کیا۔ پشاور زلمی نے مقررہ 20 اوورز میں آٹھ وکٹوں کے نقصان پر 17 رنز بنائے۔ کراچی کنگز نے آخری اوور میں ہدف کا تعاقب کرتے ہوئے تین گیندیں باقی رہ کر دو وکٹوں سے میچ جیت لیا۔
April 04, 2025
April 04, 2025
سٹی42: پی ایس ایل سیزن 10 کے قذافی سٹیڈیم لاہور میں ہو رہے میچ میں آج لاہور قلندرز اور پشاور زلمی آمنے سامنے ہیں۔ میچ کا ٹاس ہو چکا ہے، ٹھیک آٹھ بجے میچ آغاز ہو جائے گا۔
ٹاس
پی ایس ایل سیز ٹین کے 14 میچ میں ٹاس پشاور زلمی کے کیپٹن بابر اعظم نے ٹاس جیتا ہے اور انہوں نے بیٹنگ لاہور قلندرز کو دے کر خود ٹارگٹ چیز کرنے کا فیصلہ کیا ہے۔
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025
24 Apr, 2025