کلیم اختر: پنجاب کےمختلف اضلاع میں آج بھی ہیٹ ویو و گرمی کی لہر برقرار رہے گی۔
ترجمان پی ڈی ایم اے کے مطابق اپریل کےاختتام تک درجہ حرارت 45 ڈگری تک جانےکاخدشہ ہو سکتا ہے،لاہور سمیت میدانی علاقوں میں تقریباً 40 ڈگری تک درجہ حرارت ریکارڈ کیا گیا،بہاولپور ،رحیم یار خان ،ڈی جی خان اور ملتان میں ہیٹ ویو کی لہر شدید ہو سکتی ہے۔
گزشتہ روز بہاولنگر 44،رحیم یار خان 42 ، کوٹ ادو میں 41 ڈگری درجہ حرارت ریکارڈ کیا گیا۔ٹوبہ ٹیک سنگھ ،سرگودھا ،ساہیوال ،اوکاڑہ ،ملتان میں 40ڈگری تک درجہ حرارت ریکارڈ جبکہ خانیوال ،قصور ،لیہ ،جھنگ ،حافظ آباد اور فیصل آباد میں 40 ڈگری تک درجہ حرارت ریکارڈ کیا گیا۔
ترجمان ڈی جی پی ڈی ایم اے کے مطابق وزیر اعلیٰ پنجاب کی ہدایات کے پیش نظر متعلقہ ادارے الرٹ رہیں،چولستان کے اضلاع میں صاف پانی کی فراہمی کو یقینی بنایا جا رہا ہے ۔
عرفان علی کاٹھیا نے کہا کہ تمام ہسپتالوں میں ہیٹ ویو کاؤنٹرز قائم ہیں ۔
پی ڈی ایم اے کی ہیٹ سٹروک سے بچاؤ کیلئے متعلقہ ادویات کی فراہمی یقینی بنانے کی ہدایت کرد ی،میڈیا کے ذریعے شہریوں کو ہیٹ ویو کے خطرات سے آگاہ کیا جا رہا ہے،عوام الناس سے التماس ہے کہ احتیاطی تدابیر اختیار کریں ۔
ڈی جی عرفان علی کاٹھیا نے مزید کہا کہ بچوں بزرگوں اور بیمار افراد کا خاص خیال رکھیں ۔