گلبرگ (سٹی42 نیوز)پاکستان کی خوبرو اداکارہ ایمن خان نے شادی کے 4 سال بعد انسٹاگرام پر اپنا نام تبدیل کر لیا ۔
فوٹو اینڈ ویڈیو شیئرنگ ایپلی کیشن انسٹا گرام پر 2.10 ملین فالوورز رکھنے والی اداکارہ ایمن خان نے شادی کے 4 سال بعد اپنے نام کے ساتھ شوہر، اداکار منیب بٹ کا نام لگا لیا ہے ۔
View this post on Instagram
ایمن خان کا نام انسٹا گرام پر پہلے یوزرنیم ایمن خان تھا جبکہ اب انہوں نے اپنا نام تبدیل کرتے ہوئے ایمن منیب لکھ لیا ہے ۔ ایمن خان کے اس عمل پر ان کے مداح بے حد خوش نظر آ رہے ہیں ۔
View this post on Instagram
مداحوں کا اس پوسٹ پر کمنٹ کرتے ہوئے جہاں ایمن کے لیے خوشی کا اظہار کیا جا رہا ہے وہیں اداکارہ سجل علی کا بھی زکر اور ان کے شوہر، اداکار احد رضا میر سے علیحدگی اور طلاق پر افسوس کا اظہار کیا جا رہا ہے ۔
View this post on Instagram
واضح رہے کہ ایمن خان کی اداکار منیب بٹ سے 2018 میں شادی ہوئی تھی، اس جوڑے کی ایک بیٹی امل منیب بھی ہے۔ایمن خان کو اکثر اوقات ہی ایک کامیاب اداکارہ، بیوی اور ماں ہونے پر فنکاروں اور مداحوں کی جانب سے سراہا جاتا ہے۔