ویب ڈیسک : کراچی کے علاقے میں پلاٹ میں آگ لگنے سے 50 سے زائد سرکاری گاڑیاں جل گئیں ۔
کراچی کے علاقے کلفٹن بلاک ون شیریں جناح کالونی کے قریب پلاٹ میں آگ لگنے سے 50 سے زائد سرکاری گاڑیاں جل گئی تاہم گاڑیوں میں آگ لگنےکی وجوہات معلوم نہیں ہوسکی۔
کراچی میں آج ایک پراسرار واقعہ پیش آیا ہے، جہاں کلفٹن بلاک ون شیریں جناح کالونی میں خالی پلاٹ میں کھڑی 100 سے زائد سرکاری گاڑیوں میں آگ بھڑک اٹھی۔ واقعے کی اطلاع ملتے ہی ریسکیو 1122 جائے وقوعہ پر پہنچی ، ریسکیو ٹیم نے ایک گھنٹے کی کوشش کے بعد آگ پر قابو پا لیا، تاہم آگ نے 50 سے زائد گاڑیوں کو اپنی لپیٹ میں لے لیا ۔
ریسکیوحکام کے مطابق آگ پرائیویٹ کمپنی کےپلاٹ میں پارک کی گئی ناکارہ گاڑیوں میں لگی تاہم فائربریگیڈنے15گاڑیوں میں لگنےوالی آگ پر قابو پایا۔ واقعےمیں کسی جانی نقصان کی کوئی اطلاع موصول نہیں ہوئی، البتہ پولیس کی نفری موقع پرموجود ہے، واقعے کی تفصیلات حاصل کی جارہی ہیں۔
پلاٹ میں آگ لگنے سے قبل درجنوں گاڑیوں کے مختلف پارٹس چوری ہونے کا انکشاف بھی ہوا، لیکن حیرت انگیز طور پر کوئی کچھ بتانے کو تیار نہیں۔