شاہد سپرا : سینیٹر پلوشہ خان کی قریبی عزیز کو لاکھوں روپے کی اووربلنگ ، ایس ڈی او اچھرہ سب ڈویژن صلاح الدین کو معطل کر دیا گیا۔
 ذرائع نے بتایا کہ سینیٹر پلوشہ خان نے ایوان میں کہا کہ لیسکو اچھرہ سب ڈویژن کے علاقے میں ان کی قریبی عزیز کے بلوں میں اووربلنگ کی گئی ہے۔ اور تین ماہ کا وقت گزرنے کے باوجود بل کی تصحیح نہیں کی گئی، معاملہ ایوان سے ہوتا ہوا سینیٹ کی قائمہ کمیٹی میں پہنچ گیا، جس میں لیسکو چیف شاہد حیدر نے بل کی تصحیح کرنے کی رپورٹ دی ،جس کے مطابق ساڑھے چار لاکھ روپے کریڈٹ دیا گیا۔ذرائع نے مزید بتایا کہ قائمہ کمیٹی میں پیش ہونے سے قبل ایس ڈی او اچھرہ صلاح الدین کو معطل کر دیا گیا۔