(مانیٹرنگ ڈیسک) امریکی صدر کے بھولنے کی عادت ایک بار پھر جگ ہنسائی کا باعث بن گئی، جوبائیڈن تقریر کے بعد کھو سے گئے اور اسٹیج پر چڑھنے کے بعد اترنے کا راستہ بھول گئے پہلے آگے بڑھے،پھر پیچھے دیکھا اورکچھ دیر بعد واپسی کی راہ لی۔
امریکی صدر جوبائیڈن نے اقوام متحدہ کی گلوبل فنڈ کانفرنس میں شرکت کی، امریکی صدر کانفرنس سے خطاب کے لیے اسٹیج پر گئے اور پھر اترنے کا راستہ ہی بھول گئے، پہلے آگے بڑھے، اچانک رکے، پیچھے مڑے اور بظاہر لوگوں سے پوچھتے نظر آئے کہ اسٹیج سے اترنا کہاں سے ہے؟ اس واقعے کی ویڈیو سوشل میڈیا پر تیزی سے وائرل ہورہی ہے۔
Where ya going, Big Guy? pic.twitter.com/hvMjZlprWb
— RNC Research (@RNCResearch) September 21, 2022
یہ سب کچھ پہلی بار نہیں کہ امریکی صدر جوبائیڈن سٹیج پر جا کر واپسی کا راستہ بھولے ہوں اس سے پہلے بھی وہ ایک تقریب کے دوران ایسا کرچکے ہیں۔عمر رسیدہ امریکی صدر کئی بار لڑکھڑا بھی چکے ہیں جس پر انہیں تنقید کا سامنا کرنا پڑا، حریف ڈونلڈ ٹرمپ انہیں ’سلیپی جو‘ کہہ کر طنز کرتے رہے ہیں۔