ویب ڈیسک: فلاڈیلفیا میں دن دیہاڑے ایک شخص کی راہگیروں پر فائرنگ سے ایک 26 سالہ نوجوان جاں بحق اور 5 افراد زخمی ہو گئے۔

پولیس نےگاڑی چلاتے ہوئے  فائرنگ کرنے  کی فوٹیج جاری کی ہے جس میں دیکھا جا سکتا ہے کہ فائرنگ سے ایک 26 سالہ شخص ہلاک اور پانچ دیگر زخمی ہوئے۔فوٹیج میں  رنگین کھڑکیوں والی ایک سلور رنگ کی گاڑی کودیکھا جا سکتا ہے  جب وہ پیر کے روز  2.15 بجے  اولنی آرٹس سینٹر کے سامنے ، ویسٹ چی ایونیو کے 1300 بلاک پر راہگیروں کے قریب پہنچتی ہے۔

جب یہ گاڑی سڑک پر ٹہلتے لوگوں کے پاس سے گزرتی ہے تو گاڑی کی پیچھے کی نشست پر بیٹھا  ایک مشتبہ شخص کھڑکی کھول کر راہگیروں پر  فائرنگ شروع کر دیتا ہے۔ فائرنگ سے بچنے کے لئے لوگ بھاگتے ہیں اور زمین پر لیٹ جاتے ہیں۔                                                                     پولیس کا کہنا ہے کہ گاڑی میں موجود شخص نے فائرنگ کرنے سے پہلے اس علاقے کاایک چکر لگایا۔ حکام نے اس کیس کے حوالے سے معلومات دینے والے کو 20،000  ڈالر انعام دینے کا اعلان کیا ہے ۔