سٹی 42 : انٹر بینک میں ڈالر کی قیمت میں کمی ہو گئی ۔
اسٹیٹ بینک کے مطابق انٹر بینک میں امریکی ڈالر کی قدر میں 1 پیسے کمی ہوئی ، انٹر بینک میں ڈالر 277.74 روپے سے کم ہوکر 277.73 روپے پر بند ہوا ۔
دوسری جانب اوپن مارکیٹ میں امریکی ڈالر 5 پیسے سستا ہوکر 278 روپے 67 پیسے کا ہوگیا ۔ اوپن مارکیٹ میں یورو 50 پیسے کمی سے 300.25 روپے، برطانوی پاؤنڈ 31 پیسے سستاہوکر 361.19 روپے، جبکہ سعودی ریال 2 پیسے کم ہوکر 74.07 روپے پر آگیا۔ اس کےعلاوہ اوپن مارکیٹ میں یو اے ای درہم 75.89 روپے پر برقرار رہا ۔