ٹی20 ورلڈکپ میں کوہلی کی شاندار بیٹنگ پر کرکٹ شائقین کے ساتھ ساتھ ان کی اہلیہ اداکارہ انوشکا شرما نے بھی خوشی کا اظہار کیا ہے۔
آئی سی سی ٹی ٹوئنٹی ورلڈکپ کے آج ہونے والے میچ میں بھارت نے پاکستان کو سنسنی خیز مقابلے کے بعد 4 وکٹوں سے شکست دے دی۔ اس میچ میں بھارتی بلے باز ویرات کوہلی نے 82 رنز بنا کر شاندار مقابلہ کیا۔
کوہلی کی شاندار بلے بازی پر انوشکا شرما نے انسٹاگرام پر پوسٹ کیا کہ آج کی رات وہ بھی دیوالی کے موقع پر تم لوگوں کی زندگیوں میں بہت سی خوشیاں لائے۔ میری جان تم کمال کا حوصلہ، عزم اور پختہ یقین رکھنے والے حیرت انگیز انسان ہو۔
میں نے آج اپنی زندگی کا سب سے بہترین میچ دیکھا ہے اور اگرچہ ہماری بیٹی یہ سمجھنے کیلیے ابھی بہت چھوٹی ہے کہ اس کی ماں کمرے میں کیوں ناچ رہی تھی اور شور مچا رہی تھی لیکن ایک دن وہ سمجھ جائے گی کہ اس رات اس کے والد نے شاندار اننگز کھیلی تھی۔
انوشکا نے مزید لکھا کہ اس سے پہلے وہ سخت صورتحال سے دوچار تھا لیکن وہ اس سے بھی زیادہ مضبوط اور بہتر ہو کر سامنے آیا۔ میری جان مجھے تم پر فخر ہے۔
View this post on Instagram