(مانیٹرنگ ڈیسک) پاکستان شوبز انڈسٹری کی مشہور اداکارہ صبور علی اکثر سوشل میڈیا پر اپنی نت نئی تصاویر اور ویڈیو شیئر کرتی رہتی ہیں لیکن کئی بار انہیں تنقید کا بھی سامنا کرنا پڑتا ہے۔
حال ہی میں معروف اداکارہ نے اپنے انسٹاگرام اکاؤنٹ پر اپنے شوہر اداکار علی انصاری کے ہمراہ چند تصاویر شیئر کی جس پر انہیں تنقید کا سامنا کرنا پڑرہا ہے، شیئر کی گئی ان تصاویر میں دیکھا جاسکتا ہے کہ صبور علی نے انتہائی غیر مناسب لباس زیب تن کیا ہوا ہے۔
اس علاوہ صبور علی کی ایک ویڈیو بھی سوشل میڈیا پر وائرل ہوئی تھی جس پر صارفین کی جانب سے ملا جلا ردعمل سامنے آیا.
کسی نے اداکارہ کی خوب تعریف کی تو کسی نے انہیں لباس کے چناؤ کی وجہ سے شدید تنقید کا نشانہ بنایا۔