ویب ڈیسک: وفاقی وزیر توانائی خرم دستگیر نے کہا ہے کہ ابھی فیصلہ نہیں ہوا کہ پی ٹی آئی چھوڑنے والوں کو ن لیگ میں لیا جائے گا یا نہیں۔
ایک نجی نیوز چینل سے گفتگو کرتے ہوئے خرم دستگیر کا کہنا تھا کہ ابھی مزید لوگ تحریک انصاف کو چھوڑیں گے، پی ٹی آئی چھوڑنے والوں کو پارٹی میں شامل کرنے یا نہ قبول نہ کرنے کا فیصلہ نواز شریف کریں گے۔ انہوں نے کہا کہ فیاض چوہان کے الزامات کے بعد اگر ثبوت مل گئے تو پی ٹی آئی پر پابندی لگ سکتی ہے، پارٹیوں پر پابندی مسائل کا حل نہیں، اگر پارٹی کی عوام میں جڑیں مضبوط ہوں تو پارٹی قائم رہتی ہے۔