ویب ڈیسک: پنجاب کے جنوبی ضلع لیہ کی تحصیل چوبارہ میں اینٹی کرپشن ڈائریکٹر کے ریوینیو آفس پرچھاپہ اور ایک پٹواری کی معطلی کو سابق وزیر اعظم عمران خان کی بہن عظمیٰ خان کی اس علاقہ میں ساڑھے پانچ ہزار کنال زمین کی سستے داموں خریداری ک کی تحقیقات کا آغاز قرار دیا جارہا ہے۔
ایک نجی ٹی وی چینل نے دعویٰ کیا ہے کہ لیہ کی تحصیل چوبارہ کے ریوینیو آفس میں ڈائریکٹر اینٹی کرپشن نے چھاپہ مارا اور ریکارڈ اپنی تحویل میں لے لیا اور ریکارڈ کی فراہمی میں حیلے بہانے بنانے پرپٹواری اصغر کو معطل کردیا گیا۔
نیوز چینل نے تحصیلدار چوبارہ کے حوالہ سے کہا ہے کہ عظمیٰ خان نے اپنے اور اپنےخاوند احد مجید کے نام اراضی کے انتقال کرائے جبکہ اینٹی کرپشن حکام کا کہنا ہے کہ سرکاری ریکارڈ میں اراضی کی قیمت مارکیٹ سے کئی گنا کم لکھی گئی ہے۔