(ویب ڈیسک)ترک ٹیلی ویژن سیریز ’ارطغرل غازی‘ میں ارطغرل کا کردار نبھانے والے اداکار آنگین التان گالفر بن گئے۔
انگین آلتان نے انسٹاگرام پر اپنی ویڈیو شیئر کی، ویڈیو میں دیکھا جاسکتا ہے کہ گالف کی گیند کو ماہرانہ انداز میں شاٹ لگا رہے ہیں، جس سے یہ معلوم ہوتا ہے کہ وہ اس کھیل کو کافی بہتر انداز میں جانتے ہیں۔
View this post on Instagram
علاوہ ازیں انہوں نے اپنے گالف کلب کی تصویر بھی سوشل میڈیا پر پوسٹ کی۔ انگین آلتان کی جانب سے اپنی زندگی کا دوسرا رخ پیش کرنے والی یہ پوسٹ مداحوں کو بھا گئی اور انھوں نے اسے خوب پسند کیا اور سراہا۔
واضح رہے کہ ترک ڈرامہ "ارطغرل غازی" پاکستان میں اس قدر مقبول ہوا کہ اس نے کامیابی میں ترکی جہاں یہ ڈرامہ تیار کیا گیا تھا کو بھی پیچھے چھوڑدیا ہے۔ ترک ٹی ویژن سریز"ارطغرل غازی" کے یوٹیوب چینل پر صرف 15 روز میں 10 لاکھ سسکرائبرز ہو گئے جبکہ ڈرامے نے پاکستان میں تمام تر ریکارڈز توڑ دیے اور اس کی پہلی قسط کو یوٹیوب پر ایک کروڑ 41 لاکھ سے زائد افراد دیکھ چکے ہیں۔
ارطغرل غازی کے ترکی ریڈیو اور ٹیلی ویژن ٹی آر ٹی پر ڈرامے کی پہلی قسط کو 5 سالوں میں 1 کروڑ 20 لاکھ بار دیکھا گیا جب کہ اگر پاکستان کی بات کی جائے تو ارطغرل غازی کے پاکستانی یوٹیوب چینل پر ڈرامے کی پہلی قسط کو صرف دو ہفتوں میں ہی ایک کروڑ 13 لاکھ سے زائد بار دیکھا گیا ہے۔