(ویب ڈیسک ) کترینہ کیف کا شمار بالی ووڈ کی ٹاپ اداکاراؤں میں ہوتا ہے،کترینہ کیف نے بالی ووڈ میں بطور اداکار اپنی صلاحیتوں کو ثابت کرنے کیلئے بہت دشواریاں اٹھائی ہیں اور انہیں اکثر مسترد کیا جاتا رہا ۔
کبھی کبھی جب آپ ہار مان لیتے ہیں تو زندگی آپ کو دوسرا موقع دیتی ہے ، جب کترینہ کیف نے بالی وُڈ میں قدم رکھا تھا تو انہیں بالی ووڈ میں صرف ایک خوبصورت چہرے کے طور پر دیکھا جاتا تھا۔
بھارتی معروف شو ’کافی ود کرن‘ میں میزبان سے گفتگو میں بھی کترینہ نے اعتراف کیا کہ جو لوگ ان کی اداکاری کے بارے میں منفی رائے رکھتے تھے انہیں بھی اپنے بارے میں ویسا ہی لگنے لگا تھا اور یہ بھی ایک وجہ تھی کہ کترینہ کو نمستے لندن کی ناکامی کا یقین تھا اور اس لیے وہ فلم کی ریلیز سے پہلے بالی وُڈ تو کیا شہر تک چھوڑدینے کا ارادہ رکھتی تھیں لیکن نمائش میں فلم کو جو کامیابی ملی، اس نے انہیں ایک حوصلہ دیا اور انہوں نے بالی وُڈ میں ہی آگے بڑھنے کا پختہ ارادہ کیا۔
واضح رہے کہ بالی وُڈ فلم ’نمستے لندن‘ کو رلیز ہوئے 15 سال ہو چکے ہیں اور اس فلم کی وجہ سے کترینہ کیف شہرت کی بلندیوں تک پہنچیں۔