(مانیٹرنگ ڈیسک) آسٹریلین کرکٹر گلین میکسویل اور ان کی اہلیہ ونی رمن کی ہندو رسم و رواج کے مطابق شادی کی تصویر سوشل میڈیا پر وائرل ہوگئی۔
آسٹریلین کرکٹر گلین میکسویل نے گزشتہ دنوں ایک نجی تقریب میں اپنی گرل فرینڈ وینی رامن سے شادی کی تھی، جوڑے کی اب ہندو رسم و رواج کے تحت شادی کی تقریبات کا آغاز ہوا ہے جو تقریباً ایک ہفتے تک جاری رہیں گی۔
میکسویل اور ونی نے انسٹاگرام پر اپنی ہلدی کی رسم کی ایک تصویر شیئر کی جو سوشل میڈیا کی زینت بنی ہوئی ہے،کرکٹر نے ہلکے نارنجی رنگ کی شیروانی پہن رکھی ہے جب کہ دلہن ونی نے بھی نارنجی اور سبز رنگ کا جوڑا زیب تن کر رکھا ہے۔تصویر کے کیپشن میں انہوں نے بتایا کہ ان کی شادی کی تقریبات کا آغاز ہوگیا ہے۔
View this post on Instagram
واضح رہے کہ میکسویل اور ونی رمن 2 سال سے زیادہ عرصے سے ڈیٹنگ کر رہے تھے اور اٴْنہوں نے فروری 2020 میں انسٹاگرام پوسٹس کے ذریعے اپنی منگنی کا اعلان کیا تھا۔