(سٹی42) بو لڈ پاکستانی اداکارہ اور ماڈل صبا قمر نے شادی کی تیاری پکڑ لی۔ ٹوئٹر یہ خبر شیئر کی گئی ہے جس دونوں کی تصویریں شیئر کرتے ہوئے لکھا گیا ہے کہ صبا قمر اور عظیم خان شادی کرنے لگے ہیں۔
تفصیلات کے مطا بق صبا قمر نے ایک انٹر ویو میں اپنی ماضی کی محبت کا ذکر کرتے ہوئے بتا یا تھا کہ انہوں نے ایک شخص کے پیچھے اپنی زندگی کے آٹھ سال ضائع کردئیے ۔اس شخص میں اتنی بھی ہمت نہیں تھی مجھے کال کر کے اپنی شادی کی خبر دیتے ،یہ بات بھی فیس بک کے ذریعے پتہ چلی تھی۔
واضح رہے کہ گزشتہ روز صبا قمر نے حال ہی میں اپنے انسٹاگرام اکاؤنٹ پر کچھ بولڈ تصاویر شیئر کیں ہیں جو ساحل سمندر پر لی گئی ہیں، اداکارہ نے گولڈن رنگ کا لباس پہنا ہوا ہے، اداکارہ کی تصویر پر بعض صارفین کی جانب سے تنقید کی گئی جبکہ کچھ لوگوں نے ان کے فوٹوشوٹ کو پسند کیا۔
قبل ازیں اداکارہ صبا قمر کی ایک ویڈیو سوشل میڈیا پر وائرل ہو ئی تھی جس میں وہ کار میں بیٹھی ہوئی ایک پنجابی گانے پر ڈانس کررہی ہیں۔ویڈیو میں صبا قمر سیاہ رنگ کا لباس زیب تن کیاہوا ہےاور رقص کرنے میں مگن ہیں۔ ویڈیو منظرعام پر آنے کے بعد انہیں ایک بار پھر سوشل میڈیا صارفین کی جانب سے تنقید کا سامنا کرنا پڑا تھا۔