بوم بوم آفریدی طالب علم بن گئے، پڑھائی شروع کرنے کا فیصلہ

ویب ڈیسک: بوم بوم شاہد آفریدی نے اعلان کرتے ہوئے کہا ہے میں پہلے کبھی یونیورسٹی نہیں گیا لیکن بہت جلد اعلیٰ تعلیم کیلئے یونیورسٹی میں داخلہ لوں گا۔

کراچی کی نجی یونیورسٹی میں تقریب سے خطاب کرتے ہوئے قومی کرکٹ ٹیم کے سابق آل راؤنڈر شاہد آفریدی کا کہنا تھا کہ کسی بھی ملک کی ترقی تعلیم کے بغیر ممکن نہیں ہے۔ میرے لئے کرکٹ سے بڑھ کر کچھ نہیں تھا، میں نے آج سے پہلے یونیورسٹی نہیں دیکھی۔ یہ میرے لئے اعزاز کی بات ہے کہ آپ طلبا کے ساتھ تعلیم حاصل کروں گا۔

شاہد آفریدی نے طلبا سے مشورہ لیتے ہوئے پوچھا کہ آپ بتائیں مجھے کس شعبہ میں داخلہ لینا چاہیئے اور کس میں نہیں۔ ان کا کہنا تھا کہ جب میں جلدی آؤٹ ہوجاتا تھا تو شائقین ناراض ہوجاتے تھے۔ میں کوشش کرتا تھا کہ اپنی  باؤلنگ اور بیٹنگ میں بہتری لاؤں اور شائقین کو اچھا کھیل پیش کروں۔