قذافی بٹ: کورونا وائرس کے باعث مارکیٹوں اور شاپنگ مالز کی بندش میں توسیع کا فیصلہ، متاثرہ دیہاڑی دار افراد کو دہلیز پر راشن فراہم کرنے کیلئے میکنزم کی تیاری شروع کردی گئی۔
حکومت نے مارکیٹوں اور شاپنگ مالز کو بند رکھنے کی مدت میں 3 دن توسیع کی تجویز دے دی، ذرائع کا کہنا ہے کہ فیصلہ کورونا وائرس کے بڑھتے خدشات کے باعث کیا گیا ہے۔
حتمی فیصلہ وزیراعلی کی صدارت اجلاس میں کیا جائے گا، ذرائع کا مزید کہنا ہے کہ مارکیٹوں کی بندش سے متاثر ہونے والے دیہاڑی دار افراد کو گھروں میں راشن پہنچانے کے لئے میکنزم بھی طے کیا جائے گا۔
راشن کے علاوہ کیش دینے کی تجویز پر بھی غور کیا جارہا ہے۔