(سعید احمد)طیاروں  کی کمی اور دیگر فنی وجوہات کے باعث علامہ اقبال انٹرنیشنل ائیرپورٹ پر فلائٹ آپریشن متاثر رہا۔

لاہور آنے اور جانے والی 2پروازیں منسوخ جبکہ 9تاخیر کا شکار رہیں۔لاہور سے کراچی جانے والی ائیربلیو کی پرواز پی اے 401 منسوخ کر دی گئی۔کراچی سے لاہور آنے والی ائیربلیو کی پرواز پی اے 402 بھی منسوخ کرنا پڑی۔

لاہور سے دبئی جانے والی سیرین ائیر کی پرواز ای آر 723 گیارہ گھنٹے تاخیر کا شکار ہوئی ،گلگت جانے والی پرواز پی کے 609 دو گھنٹے تاخیر کا شکار،لاہور سے کراچی جانے والی پرواز پی اے 405 ایک گھنٹہ پنتالیس منٹ،لاہور سے کراچی جانے والی پرواز پی کے 303 ،45 منٹ ،کراچی سے آنے والی پرواز پی کے 304 ڈیڑھ گھنٹہ،کراچی سے لاہور آنے والی سیرین ائیر کی پرواز ای آر 522 تین گھنٹے  جبکہ کراچی سے آنے والی ائیربلیو کی پرواز پی اے 406 ڈیڑھ گھنٹہ تاخیر کا شکار رہی۔