(سٹی42)پاکستان ٹیلی ویژن پر ڈرامہ سیریل' ارطغرل غاز ی'نے ریکارڈز قائم کردئیے ہیں، پی ٹی وی کے ذریعے دنیا میں سب سے زیادہ دیکھا جانیوالا ڈرامہ بن چکا ہے، اُشنا شاہ نے کہا کہ پاکستان میں بھی ’ارطغرل غازی‘ جیسا شاہکار ڈرامہ بننا چاہیے۔
تفصیلات کے مطابق شہرہ آفاق ترکش سیریز ’ارطغرل غازی‘کو پاکستان میں وہ مقبولیت حاصل ہوئی جو ترکی میں نہ ہوسکی،پاکستان ٹیلی ویژن پر ڈرامہ سیریل ارطغرل غاز ی نے ریکارڈز قائم کردئیے ہیں، پی ٹی وی کے ذریعے دنیا میں سب سے زیادہ دیکھا جانیوالا ڈرامہ بن چکا ہے،معروف اداکارہ اُشنا شاہ بھی ترک ڈرامے سے متاثر ہوئے بغیر نہ رہ سکیں،ان کا کہنا تھا کہ اب وقت آگیا ہے کہ پاکستان میں بھی شہرہ آفاق ترکش سیریز ’ارطغرل غازی‘ جیسا شاہکار ڈرامہ بنے۔
ٹوئٹر پر ٹویٹ کرتے ہوئے اپنے پیغام میں سوالیہ انداز میں کہا کہ کیا تُرک سیریز ’ارطغرل غازی‘ کی مقبولیت باقی دنیا میں بھی اتنی ہی ہے کہ جتنی پاکستان میں ہے؟
— Ushna Shah (@ushnashah) June 19, 2020
ٹوئٹ سامنے آنے پر ان کے بیان پر تنقید کرتے سوشل میڈیا صارفین نے غصے میں آگئے اور اداکارہ کے اس بیان کو منفی لیا گیا،تاہم اُشنا شاہ نے صارفین کو جواب دیا کہ’ارطغرل غازی‘ سے نفرت کر کے انہیں کیا ملے گا؟اشنا شاہ نے جواب دیتے ہوئے کہا کہ اگرچہ انہوں نے ابھی تک ارطغرل ڈرامہ نہیں دیکھا لیکن وہ سمجھتی ہیں کہ یہ بہت عمدہ سیریز ہے۔مزید ترک سیزیز کی تعریف کرتے ہوئے کہا کہ وقت آگیا ہے کہ پاکستان میں ایسے شاہکار ڈرامے بنیں۔
Hating Ertugul is a thing? Why? It’s a high budget series on the start of the Ottoman Empire yes? (I haven’t started it yet). I think that’s brilliant & it’s about time we had such shows.
— Ushna Shah (@ushnashah) June 22, 2020
گزشتہ دنوں گلوکارہ حدیقہ کیانی نے اپنی شاندار آواز میں ارطغرل غاز ی کو خراج تحسین پیش کیا۔انہوں نے ترک زبان میں گانا گاکر ناصرف پاکستانی عوام کو خوش کیا ہے بلکہ تُرکی کے لوگوں کے بھی دل جیت لیے ہیں۔
واضح رہے کہ وزیر اعظم عمران خان کی ہدایت پر سلطنت عثمانیہ کے بانی عثمان اول کے والد ’ارطغرل‘ کی اسلامی فتوحات پر مبنی سیریز ’ارطغرل غازی‘ سرکاری چینل پر یکم رمضان سے نشر کیا جارہا ہے۔