ملک اشرف : لاہور ہائیکورٹ میں موسم گرما کی تعطیلات جاری ہیں ،پرنسپل سیٹ پر چیف جسٹس مس عالیہ نیلم سمیت 5 ججز نے درخواست ضمانتوں سمیت مخصوص کیٹیگری کےمقدمات کی سماعت کی۔
پرنسپل سیٹ پر چیف جسٹس مس عالیہ نیلم ، جسٹس عابد عزیز شیخ، جسٹس طارق سلیم شیخ ، جسٹس انوارِ الحق پنوں اور جسٹس انوار حسین نے مقدمات کی سماعت کی ۔جسٹس طارق سلیم شیخ اور جسٹس انوارِ الحق پنوں پر مشتمل ڈویژن بینچ بھی جمعرات تک سماعت کرے گا.
درخواست ضمانتوں ، حبس بے جا ، حکم امتناعی ، اندراج مقدمات سمیت دیگر مخصوص کیٹیگری کیسز کی سماعت ہوگی، عدالتی چھٹیوں کے باعث لاہور ہائیکورٹ میں وکلاء اور سائلین کی تعداد انتہائی کم رہی ۔