ویب ڈیسک: نیشنل ہاکی سٹیڈیم میں نئی ٹرف کی تنصیب تاخیر کا شکار ہو گئی۔

تفصیلات کے مطابق سپورٹس بورڈ حکام کا کہنا ہے کہ سرد موسم کے باعث تعمیراتی کام دوبارہ شروع نہیں کیا جا سکا،ٹرف اور دیگر سامان چند روز سے سٹیڈیم میں موجود ہے۔

ڈپٹی ڈائریکٹر ڈویلپمنٹ سپورٹس بورڈ رئوف باجوہ نے سٹی 42 سے گفتگو کرتے ہوئے کہا کہ بیس بچھانے کیلئے کم سے کم ٹمپریچر 20سے 25ڈگری کے درمیان ہونا چاہئے۔ٹرف بچھانے سے قبل بیس بچھانے کا کام چند روز بعد شروع ہونے کا امکان ہے۔ سرد موسم میں بیس بچھانے سے ٹیکنیکل مسائل کا سامنا کرنا ہڑ سکتا ہے،نقصان سے بچنے کیلئے موسم معتدل ہونے کا انتظار کیا جا رہا ہے۔

حکام کا مزید کہنا ہے کہ تمام تیاریاں مکمل ہیں دو ہفتوں تک کام شروع کر دیا جائے گا۔غیر ملکی ماہرین کے ویزے لگ چکے ہیں،صرف موسم بہتر ہونے کا انتظار ہے۔