ویب ڈیسک: ملک بھر میں کورونا کیسز کی شرح بڑھ کر 13فیصدہوگئی، وبائی مرض نے مزید 20 افراد کی جان لےلی۔
تفصیلات کے مطابق ملک میں کورونا کی پانچویں لہر میں شدت آگئی ہے، این سی او سی کا کہنا تھا کہ گزشتہ روز ملک بھر میں 58 ہزار 334 افراد کے کورونا ٹیسٹ کئے گئے، جن میں 7 ہزار 586 مثبت نکلے۔ ملک میں کورونا کیسز کی مثبت شرح 13 فیصد رہی جبکہ اس وقت 1 ہزار 83 افراد ہسپتالوں میں تشویشناک حالت میں زیر علاج ہیں۔
دوسری جانب لاہور میں مہلک وائرس سے اموات میں اضافہ ہوتا جارہا ہے۔ گزشتہ 24 گھنٹوں میں مہلک وائرس چھ قیمتی زندگیاں نگل گیا جبکہ کورونا کے 1323 نئے کیسس سامنے آئے اور مثبت شرح 14.4 تک جاپہنچی ہے۔