ایل ڈی اے کا کماہاں روڈ پر غیر قانونی سکیموں کیخلاف آپریشن

(در نایاب) ایل ڈی اے شعبہ اسٹیٹ مینجمنٹ پرائیویٹ ہاوسنگ سکیمز نے کماہاں روڈ پر غیر قانونی سکیموں کا انفراسٹرکچر مسمار کردیا ۔
لاہور ڈویلپمنٹ اتھارٹی کے ڈائریکٹر جنرل سمیر احمد سید کی ہدایت پر کارروائی کی گئی ۔ اسٹیٹ مینجمنٹ ڈائریکٹوریٹ پرائیویٹ ہاﺅسنگ سکیمزکے عملے نے ڈائریکٹر بشریٰ نصیر کی زیر نگرانی کارروائی کی ۔ کماہاں روڈ لاہور میں واقع فارمنائٹس ہاؤسنگ سکیم کے غیرقانونی توسیع شدہ حصے کیخلاف آپریشن کرکے وہاں قائم غیر قانونی تعمیرات مسمار کردیں۔ آپریشن کے دوران زیر تعمیرسڑکیں‘سیوریج سسٹم ‘ چار د یواریاں‘ گرین بیلٹس‘ دفاتر اور دیگر انفراسٹرکچر مسمار کر دیا گیا ۔