سعید احمد: علامہ اقبال انٹرنیشنل ائیرپورٹ پر فلائیٹ شیڈول حسب معمول متاثر، لاہور آنے جانے والی 15پروازیں متاثر جن میں سے 11منسوخ جبکہ چار تاخیر کا شکار رہیں۔
ائیرپورٹ فلائیٹ انکوائری کے مطابق لندن سے آنے والی پرواز پی کے 758، جدہ جانے والی پرواز پی اے 470، ابوظہبی جانے والی پرواز پی کے 263، ابوظہبی سے آنے والی پرواز پی کے 264، اسلام آباد جانے والی پرواز پی کے 652، کراچی سے آنے والی پرواز پی کے 312، کراچی جانے والی پرواز پی کے 313، کراچی جانے والی ائیربلیو کی پرواز پی اے 401، کراچی سے آنے والی پرواز پی اے 402، کراچی جانے والی سیرین ائیر کی پرواز ای آر 521 کو منسوخ کر دیا گیا۔
دوسری جانب چار پروازیں گھنٹوں تاخیر کا شکار رہیں، جن میں سے کراچی جانے والی پرواز ای آر 524ساڑھے تین گھنٹے اور کراچی جانے والی پرواز ای آر 525 تین گھنٹے 45منٹ تاخیر کا شکار رہی-