(زین مدنی ) معروف اداکار و میزبان فہد مصطفیٰ کو عمرے کے دوران لی گئی تصویر شیئر کرنے پر سوشل میڈیا پر تنقید کا نشانہ بنایا جارہا ہے اور لوگ انہیں مقدس مقام کا احترام کرنے کی ہدایت دیتے ہوئے نظر آرہے ہیں۔
عمرہ کی ادائیگی کے دوران فنکاروں کی جانب سے تصویر شیئر کرنا ٹرینڈ بن چکا ہے اور ہر فنکار عمرہ کی ادائیگی کے دوران اپنی تصاویر سوشل میڈیا پر شیئر کرتا ہے اور لوگ فنکاروں کو مبارکباد دیتے ہیں۔
Jumma Mubarak Makkah se Allah pakistan ko buhut izzaton se nawazwe aur tamam pakistaniyon ke duayen qubool farmaye Ameen Ameen Ameen???? pic.twitter.com/MJKGkkZG6Z
— Fahad Mustafa (@fahadmustafa26) February 21, 2020
گزشتہ روز اداکار فہد مصطفیٰ نے بھی عمرے کی ادائیگی کے دوران مقدس مقام حرم شریف کے سامنے کھڑے ہوکر لی گئی تصویر سوشل میڈیا پر شیئر کی تاہم سوشل میڈیا صارفین جہاں فہد مصطفیٰ کو عمرے کی ادائیگی کیلئے مبارکباد دے رہے ہیں وہیں، انہیں تنقید کا نشانہ بھی بنایا جارہا ہے۔
لوگوں نے تصویر میں فہد مصطفیٰ کے خانہ کعبہ کے سامنے کھڑے ہونے کے انداز پر اعتراض اٹھاتے ہوئے کہا کہ ایسا لگ رہا ہے، جیسے فہد مصطفیٰ فوٹوشوٹ کروا رہے ہوں۔