(سٹی 42) جائیداد کی لالچ نے خون سفید کر دیا، برکی میں بھائی نے بہن کو قتل کر دیا، پولیس نے نعش مردہ خانے منتقل کردی۔
تفصیلات کے مطابق برکی کے علاقے میں جائیداد کی خاطر بھائی نے بہن کو قتل کر دیا۔ حادثہ کی اطلاع ملنے پر پولیس جائے وقوعہ پر پہنچ گئی اور نعش قبضہ میں لے کر پوسٹمارٹم کیلئے مردہ خانے منتقل کر دی۔
پولیس کا کہنا ہے کہ مقتولہ نصرت بی بی 3 بچوں کی ماں تھی، جائے وقوعہ سے شواہد اکٹھے کرلیے ہیں اور ملزم کو جلد گرفتار کرلیں گے۔