راؤ  دلشاد:نواز شریف کے پوتے زید حسین نواز کی شادی کی تیاریاں جاری ہیں،شادی میں شرکت کرنیوالےغیرملکی مہمانوں کے قیام و طَعام کےانتظامات مکمل کر لئے گئے۔
غیر ملکی مہمان امریکا، برطانیہ، یورپی ممالک سےشادی میں شرکت کیلئےلاہورپہنچیں گے۔ذرائع کے مطابق سعودیہ، قطر، یواےای، بھارت اورہمسایہ ممالک سےمہمان لاہورپہنچیں گے،غیر ملکی مہمانوں کو فلیٹیز ہوٹل اور سٹیٹ گیسٹ ہاؤس میں ٹھہرایا جائے گا۔غیر ملکی مہمانوں کیلئےفلیٹیز ہوٹل کے 25 سے 30 کمروں کی بکنگ کرالی گئی۔
ذرائع نے بتایا ہے کہ سٹیٹ گیسٹ ہاؤس انتظامیہ کو باضابطہ آگاہ کردیاگیا ،بیرون ملک مقیم شریف فیملی کے تمام افراد پاکستان پہنچ گئے۔نواز شریف کی چھوٹی صاحبزادی عصمہ نواز بھی دبئی سے لاہور پہنچ گئیں ،حسن نواز بھی فیملی سمیت لاہور پہنچ گئے۔
ملکی و غیر ملکی مہمانوں کی سکیورٹی کیلئےپنجاب پولیس کو احکامات جاری کر دیے گئے ہیں۔زید حسین نواز کا نکاح 25 دسمبر کو ہوگا ، رسم حنا بھی اسی روز جاتی امرا میں ہوگی۔نکاح اور رسم حنا کی تقریب میں 500 مہمانوں کا انتظام کیاگیا۔
ذرائع کے مطابق ولیمہ کی تقریب میں 700مہمانوں کے کھانے کا انتظام کیاگیاہے،زید حسین نواز 27 دسمبر کو دولہا بنیں گے۔