(سٹی 42) پی ایس ایل 6 کی ڈرافٹنگ کے لیے پہلے راؤنڈ کے پک آرڈر کا اعلان ہوگیا۔
تفصیلات کے مطابق پاکستان سپر لیگ( پی ایس ایل) کے چھٹے ایڈیشن کیلئے ڈرافٹنگ کے لیے پہلے راؤنڈ کی پہلی پک اسلام یونائیٹڈ کرے گی۔
دوسری ملتان سلطانز ، لاہور قلندرز تیسری اور پشاور زلمی چوتھی پک کرے گی۔ کوئٹہ گلیڈی ایٹرز پہلے راؤنڈ میں پانچویں اور کراچی کنگز کی چھٹی پک ہوگی۔ واضح رہے کہ پی ایس ایل کے آئندہ سیزن کی ڈرافٹنگ جنوری کے دوسرے ہفتے میں متوقع ہے۔
دسمبر کے آخری ہفتے میں پلیرز رٹیشن اور ریلیز کرنے کی تاریخوں کا اعلان کردیا جائے گا۔ پلیرز رٹیشن اور ریلیز کے عمل کے ساتھ ہی ڈرافٹنگ کے شیڈول کا بھی اعلان کیا جائے گا۔ لیگ کے میچز کے مقامات کو بھی حتمی شکل دینے کا پر غور جاری ہے۔ لاہور،کراچی ، راولپنڈی اور ملتان ہی میں لیگ کے میچز کروائے جانے کا زیادہ امکان ہے۔ پی سی بی کے مطابق پی ایس ایل کا چھٹا ایڈیشن اپنے شیڈول کے مطابق ہوگا۔ لیگ کے وینیوز اور دیگر معاملات پر فرنچائز کے ساتھ رابطے میں ہیں۔