ویب ڈیسک: بھارت کی ملیالم فلم انڈسٹری کے اداکار نرمل بینی 37 سال کی عمر میں دل کا دورہ پڑنے سے انتقال کر گئے۔
بھارتی میڈیا کے مطابق ملیالم فلم انڈسٹری کے نامور اداکار نرمل بینی کی موت آج دل کا دورہ پڑنے سے ہوئی، پروڈیوسر سنجے نے اداکار کی موت کی تصدیق بھی کر دی، اداکار کو دل کا دورہ بھارتی ریاست کیرالہ کے شہر تھرواننت پورمیں واقع ان کی رہائش گاہ پر پڑا جو جان لیوا ثابت ہوا۔
اداکار کی موت کی خبر سنتے ہی ملیالم فلم انڈسٹری سے منسلک شخصیات کی جانب سے اظہار افسوس کیا جارہا ہے۔
واضح رہے کہ اداکار نرمل بینی نے فلمی کیریئر کا آغاز 2012 میں کیا اور کئی سپرہٹ ملیالم فلموں میں اداکاری کے جوہر دکھائے، علاوہ ازیں انہوں نے یوٹیوب ویڈیوز سے بھی کافی شہرت حاصل کی۔