ابوبکر ارشاد: پنجاب پولٹری ٹریڈرز ایسوسی ایشن کا ریٹیلرز کے اعزاز میں تقریب کا اہتمام ہوا۔ چئیرپرسن پرائس کنٹرول ٹاسک فورس سلمی بٹ نے بطور مہمان خصوصی شرکت کی ۔
سگیاں روڈ مقامی ہوٹل پر منعقدہ تقریب سے خطاب کرتے ہوئے صدر پنجاب پولٹری ٹریڈرز ایسوسی ایشن میاں طارق جاوید کا کہنا تھا کہ پنجاب پولٹری ٹریڈرز ایسوسی ایشن اپنی انڈسٹری کو دوسرے صوبوں تک پھیلائے گی، انہوں نے مزید کہا کہ پورے ملک میں صحت مند چکن کی فراہمی اولین ترجیح ہے. اس موقع پر رٹیلرز حضرات نے مناسب منافع نہ ملنے پر اظہار برہمی کیا.
رٹیلرز نے مزید کہا کہ انہیں وقت پر نا چکن فیڈ ملتی ہے اور آئے روز پرائس کنٹرول والے ان کی دکانیں سیل کر دیتے ہیں. اس موقع پر ڈائریکٹر لائیو سٹاک ڈاکٹر محمد نعیم، ڈپٹی ڈائریکٹر ڈاکٹر زبیر باری، نائب صدر پولٹری ٹریڈرز ایسوسی ایشن پنجاب عثمان کاہلوں، ندیم عطاری، ریاض احمد احسان، چوہدری رضوان کاہلوں، ظہیر عباس عباسی اور رانا محمد قاسم موجود تھے۔
