ویب ڈیسک:بھارتی ٹیلی ویژن انڈسٹری کے اداکار للت منچندا نے خودکشی کرلی، انکی لاش پیر کے روز میرٹھ میں ان کی رہائش گاہ پر ملی۔ ان کی عمر 36 سال تھی۔

سین اینڈ ٹی وی آرٹسٹس ایسوسی ایشن (سنٹا) نے ان کی موت کی تصدیق کرتے ہوئے انسٹاگرام پر تعزیتی پیغام جاری کیا۔​

رپورٹس کے مطابق للت منچندا مالی مشکلات کا سامنا کر رہے تھے اور تقریباً 6 ماہ قبل ممبئی سے واپس میرٹھ منتقل ہو گئے تھے۔

انہوں نے ’تارک مہتا کا الٹا چشمہ‘ کے علاوہ ’سیوانچل کی پریم کتھا‘، ’انڈیا موسٹ وانٹڈ‘، ’کرائم پیٹرول‘ اور ’یہ رشتہ کیا کہلاتا ہے‘ جیسے مشہور ڈراموں میں بھی اداکاری کی۔​

ان کی اچانک موت نے ان کے مداحوں اور ٹیلی ویژن انڈسٹری کو گہرے صدمے سے دوچار کر دیا ہے۔​

 واضح رہے  کہ للت منچندا مشہور سٹکام ’تارک مہتا کا الٹا چشمہ‘ میں اپنی اداکاری کےلیے جانے جاتے تھے۔