پی سی بی میں جاب کے لئے گریجوایٹ حضرات کے لئے نادر موقع

(حافظ شہباز علی)پاکستان کرکٹ بورڈ(پی سی بی) نے صوبائی کرکٹ ایسوسی ایشنز کا نظام بہتر انداز میں چلانے کے لیے جنرل منیجر تعینات کرنے کا فیصلہ کرلیا۔
 تفصیلات کے مطابق چھ ایسوسی ایشنز کے جی ایم چیف ایگزیکٹیو کے ماتحت ذمہ داریاں نبھائیں گے تاکہ صوبائی کرکٹ ایسوسی ایشنز کا نظام بہتر انداز میں چلایا جا سکے۔ جی ایم کے لیے گریجوایشن تعلیمی قابلیت مقرر کی گئی ہے جبکہ کرکٹ آرگنائزیشن کا کم از کم پانچ سالہ تجربہ بھی اس عہدے کے لیے درکار ہے، سابق انٹر نیشنل اور فرسٹ کلاس کرکٹرز کو تعیناتی کے وقت ترجیح دی جائے گی۔
 سٹی کرکٹ ایسوسی ایشنز کے ساتھ روابط، کرکٹ ڈیویلپمنٹ ،کلب کرکٹ ایونٹس اور کلبز کے ساتھ کمیونی کیشن جی ایم کی ذمہ داریوں میں شامل ہوگاخواہش مند امیدوار 30 اپریل تک درخواستیں جمع کرواسکتے ہیں۔