ویب ڈیسک : برطانوی صحافی پیٹر اوبورن نے کہا ہے کہ دورہ پاکستان منسوخ کرنا انگلش کرکٹ بورڈ کا بزدلانہ فیصلہ ہے، ایسا دکھائی دیتا ہے کہ ای سی بی پلیئر پاور سے گھبراتا ہے۔
رپورٹ کے مطابق برطانوی اسپورٹس جرنلسٹ پیٹر اوبورن نے کہا ہے کہ ای سی بی نے بزدلانہ قدم اٹھاکر ایک ایسے دوست کو نقصان پہنچایا جس کا ہمیں مشکور ہونا چاہیے، ای سی بی بھارت خاص طور پر آئی پی ایل کے زیر اثر ہے، یہ صرف پاکستان نہیں بلکہ عالمی کرکٹ کیلئے دھچکا ہے۔ سیکیورٹی کی تسلی کرلی گئی، برطانوی ہائی کمیشن بھی مطمئن تھا، پھر کس لیے ٹور ختم کیا گیا،اس کا جواب ای سی بی حکام کو ٹی وی پر آکر دینا چاہیے۔

England have pulled out of a joint men and women's cricket tour of Pakistan.

Journalist and author Peter Oborne described the move as a "kick in the teeth", adding that the decision "doesn't appear to have been made on security grounds". https://t.co/Gk97JUNAKD pic.twitter.com/v9DZxDHwZ3

— Sky News (@SkyNews) September 21, 2021

ایک اور صحافی جارج ڈوبیل نے کہا ہے کہ چیمپئنز ٹرافی سے قبل لندن میں دہشت گردی کا واقعہ ہوا، ایشیز سے قبل دہشت گردی ہوئی، نیوزی لینڈ ویمن ٹیم کو انگلینڈ میں دھمکی ملی اور حال ہی میں میچز کے دوران تماشائی میدان میں آگئے، ایسا کہیں اور ہوتا تو انگلینڈ کیا کرتا؟

برطانوی صحافی کا کہنا تھا کہ برطانوی دفتر خارجہ نے ٹریول ایڈوائس نہیں بدلی۔ پاکستان نے سخت ترین حالات میں انگلینڈ کا دورہ کیا، اگر لندن میں زندگی جاری رہ سکتی ہے تو لاہور میں کیوں نہیں؟ انگلش کرکٹ بورڈ دہرے معیار کی وجہ سے کرکٹ کے دوستوں سے محروم ہوجائے گا۔