(سٹی42)شہر کےبازاروں اور شاہراہوں پر آپ نے بھکاری تو دیکھے ہونگے، کوئی لنگڑا ، گونگا  اور اندھا بن کر  بھیک مانگتا ہے لیکن آج  لاہورمیٹروبس میں لڑکی نے بھیک مانگنے کا انوکھا طریقہ متعارف کرادیا۔
ذرائع کے مطابق میٹروبس میں ایک لڑکی نے بھیک مانگنے کیلئے انوکھا انداز اپنایا، لڑکی نے اپنے موبائل فون پر گانا لگا کر رقص کرکے بھیک مانگی، لڑکی کے ٹھمکے دیکھ کر مسافر دنگ رہ گئے،لڑکی کو مسافروں نے 10، 10 روپے بھیک دی، لڑکی کے رقص کی ویڈیو سوشل میڈیا پر بھی وائرل ہوگئی ہے، جسے صارفین نے سخت تنقید کا نشانہ بنایا۔

میٹرو بس میں رقص کرنے والی لڑکی ٹمبر مارکیٹ سٹاپ سے بس میں بیٹھی تھی، جب لڑکی نے بس میں رقص کرکے بھیک مانگی تو میٹرو بس انتظامیہ نے لڑکی کو آزادی سٹاپ فلائی اوور پر بس سے نکال دیا۔