پنجاب انسٹی ٹیوٹ آف نیوروسائنسز کی ایم آر آئی مشین خراب ، مریض خوار

زاہد چوہدری: پنجاب انسٹی ٹیوٹ آف نیوروسائنسز کی ایم آر آئی مشین خراب ہوگئی۔ ایم آر آئی مشین کی خرابی سے  مریضوں کی تشخیص کا عمل رک گیا ۔
ایم آر آئی نہ ہونے سے دماغی امراض کے مریضوں کو پریشانی کا سامنا کرنا پڑ رہا ہے ۔ نیوروسرجری سمیت علاج معالجہ ایم آر آئی نہ ہونے سے تعطل سے دوچار ہے ۔ پنز کی ایم آر آئی مشین بند ہونے سے مریض دربدر ہوگئے ۔ ایم آر آئی ٹیسٹ کیلئے مریض دیگر ہسپتالوں سے رجوع کرنے پر مجبور ہیں ۔ 
 ایم ایس ڈاکٹرعمراسحاق کا کہنا ہے کہ پنزکےمریضوں کےایم آرآئی ٹیسٹ جنرل ہسپتال سےہورہےہیں،مریضوں کوایم آرآئی ٹیسٹ کی متبادل سہولت جنرل ہسپتال میں میسرہے۔