ویب ڈیسک: بالی ووڈ کے سپر اسٹار سلمان خان ڈینگی میں مبتلا ہوگئے ہیں جس کے باعث انہوں نے رئیلٹی گیم شو بگ باس 16 کی میزبانی سے رخصت طلب کرلی ہے۔

بھارتی میڈیا رپورٹ کے مطابق سلمان خان کی گزشہ کچھ دنوں سے طبعیت ناساز تھی جس کے باعث وہ گزشتہ کئی قسطوں میں بگ باس 16 کی میزبانی کرتے ہوئے بھی نہیں نظر آرہے تھے۔میڈیا رپورٹس کے مطابق سپر اسٹار ڈینگی کا شکار ہوگئے ہیں اور ڈاکٹروں نے انہیں آرام کا مشورہ دیا ہے۔

بھارتی میڈیا نے یہ بھی دعویٰ کیا ہے کہ سلمان خان کی جگہ اب کرن جوہر بگ باس 16 کی میزبانی کریں گے۔یاد رہے کہ گزشتہ دو ہفتوں سے سلمان خان اپنی آنے والی فلم ’کسی کا بھائی، کسی کی جان‘ کی شوٹنگ میں مصروف تھے تاہم اب اس کی شوٹنگ بھی ملتوی کردی گئی ہے۔سلمان خان طبیعت بحال ہونے کے بعد فلم کی شوٹنگ اور رئیلٹی گیم شو بِگ باس 16 میں دوبارہ نظر آئیں گے۔