(ویب ڈیسک)ڈالر سستا ہونے پر سونے کی قیمت میں کمی ہوگئی  ،ایک تولہ سونا 1000 روپے سستا ہوگیا ۔
ایک تولہ سونا 1 لاکھ 46 ہزار 400 روپے کا ہوگیا،10 گرام سونا 858 روپے کمی سے 1 لاکھ 25 ہزار 514 روپے کا ہوگیا،ایک تولہ چاندی کی قیمت 10 روپے کمی سے 1580 روپے پر آگئی،عالمی مارکیٹ میں سونا 35 ڈالر مہنگا ہوکر 1658 ڈالر فی اونس پر پہنچ گیا۔

گزشتہ روز ایک تولہ سونا 500 روپے سستاہوکر 1لاکھ 47 ہزار 400 روپے کا تھا،10 گرام سونا 428 روپے کمی سے 1 لاکھ 26 ہزار 372 روپے کا اور ایک تولہ چاندی کی قیمت 1590 روپے پر برقرار تھی۔صرافہ ڈیلرز ایسوسی ایشن کا کہنا تھا کہ ڈالر کی قیمت میں کمی کا بھی سونے کے سودوں میں اثر ہوا۔

واضح رہے کہ ماہرین کے مطابق بیرونی قرض اور دیگر ادائیگی پر روپے پر پریشر دیکھا گیا ، ستمبر 22 میں کرنٹ اکاونٹ خسارہ 17 ماہ کی کم ترین سطح تک گرگیا ،پاکستان کا سب سے بڑا چیلینج بیرونی قرضوں کی ادائیگی ہے ،اگست کے مقابلے ستمبر میں کرنٹ اکاونٹ خسارہ 53 فیصد کم رہا ،اگست میں کرنٹ اکاونٹ خسارہ 68 کروڑ ڈالر سے کم ہوکر ستمبر میں 32 کروڑ ڈالر رہا ۔