ویب ڈیسک: پاکستان کے مایا ناز گلوکار عاصم اظہر نے آسٹریلیا کے شہر میلبرن میں جمعے کی اذان دی جس کی ویڈیو سوشل میڈیا پر مقبول ہے۔
ویڈیو عاصم اظہر نے اپنے انسٹاگرام اکاؤنٹ پر شیئر کی اور کیپشن میں لکھا 'یہ میرے لیے اب تک کا بہترین جمعہ ہے، الحمدللہ۔ مجھے یہاں میلبرن میں مسلم کمیونٹی کے لیے اذان دینے کا اعزاز حاصل ہوا'۔عاصم اظہر نے کہا 'خوبصورت بات یہ تھی کہ تمام فرقوں کے لوگ اکٹھے ہوئے اور دعا کی'۔
گلوکار نے مداحوں کے لیے کہا 'آپ لوگ فکر نہ کریں، ہم نے اتوار کو پاک بھارت ٹاکرے میں بارش نہ ہونے کی دعا مانگی ہے'۔واضح رہے کہ ٹی ٹوئنٹی ورلڈ کپ میں پاک بھارت ٹاکرا 23 اکتوبر یعنی کل آسٹریلیا کے میلبرن کرکٹ گراؤنڈ میں ہوگا، میلبرن میں اتوار کو بارش کے قوی امکانات ہیں۔