(سٹی 42) کراچی میں کیپٹن (ر) صفدر کی ہوٹل سے گرفتاری کی سی سی ٹی وی ویڈیو منظر عام پر آگئی۔ فوٹیج میں دیکھا جا سکتا ہے کہ گرفتاری کے دوران سادہ لباس میں ملبوس ایک شخص مسلسل کیمرے سے وڈیوبناتا رہا۔
میاں نوازشریف کے داماد کیپٹن ریٹائرڈ صفدر کو کراچی کے ہوٹل سے کیسے گرفتار کیا گیا؟ ویڈیو کے مطابق کیپٹن ریٹائرڈ صفدر کی گرفتاری کا آپریشن 46 منٹ جاری رہا، ہوٹل میں پولیس کی 2 موبائلز داخل ہوئیں، فوٹیج کے مطابق 6 بجکر 46 منٹ پر پولیس ٹیم مریم نواز کے کمرے کے باہر پہنچ گئی اور مریم نواز کے کمرے کے باہر سیاہ لباس اور جوگرز پہنا شخص فون پرہدایات لیتا رہا۔
اہلکار6بجکر 48 منٹ پر دروازہ توڑ کر کمرے میں داخل ہوئے اور 6 بجکر 50 منٹ پر کیپٹن ریٹائرڈ صفدر کو کمرے سے باہر نکال کر حراست میں لیا گیا، ویڈیو فوٹیج کے مطابق لفٹ اور لابی میں سادہ لباس میں ایک شخص کیپٹن ریٹائرڈ صفدر کی ویڈیو بناتا رہا۔
A CCTV footage related to the arrest of #Pakistan Muslim League-Nawaz (#PMLN) leader Captain (retired) Safdar shows that the opposition politician was arrested by policemen in a 46-minute long operation pic.twitter.com/YwaVs9BUaI
— Muhammad Yousuf (@muhammadbySky) October 22, 2020
دوسری جانب جاتی عمرہ رائیونڈ میں سٹی فورٹی ٹو سے گفتگو کرتے ہوئے مسلم لیگ ن کے رہنما کیپٹن ر صفدر کاکہناتھاکہ موجودہ حکومت پی ڈی ایم کے کامیاب جلسوں سے گھبراہٹ کا شکار ہے۔ انھوں نےکہاکہ ووٹ کو عزت ملنے سے ہی تمام مسائل حل ہوں گے جبکہ اب وقت آگیا ہےکہ جمہوریت زندہ باد اور شہدائے جمہوریت زندہ باد کا نعرہ گڑھی خدا بخش پر جا کر لگانا پڑے گا۔