اسرار خان : موٹروے کو مرمتی کاموں کے باعث 6 مختلف مقامات سے 2 روز کے لئے بند کر دیا گیا ۔
موٹروے پولیس حکام کے مطابق 23 اور 24 نومبر کو مرمتی کاموں کے باعث موٹروے کو بند کیا گیا، موٹروے ایم 1 اسلام آباد تا پشاور، موٹروے ایم 2 لاہور تا اسلام آباد بند ہو گی، موٹروے ایم 3 لاہور تا عبدالحکیم، موٹروے ایم فور پنڈی پھٹیاں سے ملتان تک بند کر دی گئی۔ لاہور سیالکوٹ موٹروے ایم 11 بھی ہر قسم کی ٹریفک کے لئے بند کر دی گئی، اسلام آباد ڈیرہ اسماعیل خان موٹروے ایم 14 ہکلہ سے یارک تک بند کی گئی ۔
لاہور کے داخلی و خارجی راستے امامیہ کالونی اور سگیاں بھی بند کر دیئے گئے، موٹروے اور داخلی و خارجی راستوں کی بندش سے اہم شاہراہوں پر ٹریفک کا نظام درہم برہم ہوگیا، جبکہ بابو صابو، بند روڈ، شاہدرہ اور چوک یتیم خانہ سے ملحقہ شاہراہوں پر ٹریفک کا نظام متاثر ہوگیا ہے ۔
ترجمان ٹریفک پولیس کا کہنا ہےکہ متبادل راستوں پر ٹریفک ڈائیورٹ کی جا رہی ہے، ٹریفک کی روانی برقرار رکھنے کے لئے ٹریفک پولیس کی اضافی نفری بھی تعینات کر دی گئی ہے ۔